បន្ទាយមានជ័យ៖ ថ្ងៃអាទិត្យ ទី១០ ខែកុម្ភៈ ឆ្នាំ២០១៩ ដោយទទួលបានសេចក្តីណែនាំ និងសំណូមពររបស់ឯកឧត្តម សួន បវរ អភិបាលនៃគណៈអភិបាលខេត្តបន្ទាយមានជ័យ លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត បានដឹកនាំកម្លាំងជាច្រើននាក់ រួមសហការជាមួយកម្លាំងកងពលតូចថ្មើជើងលេខ៥១ កម្លាំងនគរបាលខេត្ត កម្លាំងតំបន់ប្រតិបត្តិការសឹករងខេត្ត និងមន្ត្រីអាជ្ញាធរស្រុកស្វាយចេក ដែលប្រើប្រាស់កម្លាំងសរុបទាំង០៥ ស្ថាប័នចំនួនជាង ២.០០០នាក់ ចុះជួយស្តារស្ទឹងស្វាយចេក ប្រវែង ៩៥០ម៉ែត្រ (យកស្មៅផ្សេងៗ និងកំប្លោកចេញពីស្ទឹង) ដែលស្ថិតនៅក្នុងឃុំរលួស និងឃុំស្វាយចេក ស្រុកស្វាយចេក ខេត្តបន្ទាយមានជ័យ ។ ក្នុងឱកាសនោះដែរ លោកឧត្តមសេនីយ៍ត្រី បោន ប៊ិន បានឱ្យដឹងថាការស្តារស្ទឹងខាងលើ គឺដើម្បីជាប្រយោជន៍រួមដល់ប្រជាពលរដ្ឋទូទាំងស្រុកស្វាយចេកទាំងមូល ដើម្បីយកទឹកទៅប្រើប្រាស់តាមតម្រូវការផ្សេងៗរបស់ពួកគាត់ផងដែរ ។