ក្រចេះ៖ ដោយមានការសម្របសម្រួល ពីលោក កែវ សុជាតិ ព្រះរាជអាជ្ញាអមសាលាដំបូងខេត្តក្រចេះ នៅវេលាម៉ោង ១៦ និង ៣០នាទី ថ្ងៃទី១២ ខែកុម្ភៈ ឆ្នាំ២០១៩ កម្លាំងមូលដ្ឋាន កងរាជអាវុធហត្ថក្រុងក្រចេះ ដឹកនាំដោយលោក វរសេនីយ៍ត្រី ផាត សុភ័ក្រ្តវាសនា មេបញ្ជាការមូលដ្ឋាន កងរាជអាវុធហត្ថក្រុងក្រចេះ បានចុះបង្ក្រាបករណីចែកចាយ និងប្រើប្រាស់សារធាតុញៀន នៅចំណុចភូមិអូរឬស្សី២ សង្កាត់អូរឬស្សី ក្រុង/ខេត្តក្រចេះ ដោយឃាត់ខ្លួនជនសង្ស័យបានចំនួន ០២នាក់មានឈ្មោះ ណុប សុខលី ភេទប្រុស អាយុ ២១ឆ្នាំ និងឈ្មោះ ណុប វណ្ណី ភេទប្រុសអាយុ ២៨ឆ្នាំ អ្នកទាំងពីររស់នៅភូមិអូរឬស្សី២ សង្កាត់អូរឬស្សី ក្រុង/ខេត្តក្រចេះ។
ក្នុងប្រតិបត្តិការនោះ កម្លាំងដកហូតបានវត្ថុតាងម្សៅក្រាមពណ៌ស (ម៉ាទឹកកក) ចំនួន ០៦កញ្ចប់តូច, ដែកកេះ ០៥, កូនថង់សំរាប់រំលែកសារធាតុញៀន ០២ និងសម្ភារៈសម្រាប់ប្រើប្រាស់ គ្រឿងញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាង មន្ត្រីជំនាញកងរាជអាវុធហត្ថខេត្តកំពុងបន្តនីតិវិធី។