ក្រចេះ៖ អនុវត្តតាមបទបញ្ជា និងការចង្អុលបង្ហាញរបស់ លោកឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ និងមានការសម្របសម្រួល ពីលោក កែវ សុជាតិ ព្រះរាជអាជ្ញា អមសាលាដំបូងខេត្តក្រចេះ នាវេលាម៉ោង ១១ និង ២០នាទី ថ្ងៃទី១៦ ខែកុម្ភៈ ឆ្នាំ២០១៩ កម្លាំងកងរាជអាវុធហត្ថខេត្តក្រចេះ និងកម្លាំងស្នាក់ការសន្តិសុខ ៧០៧ សហការជាមួយកម្លាំងអាវុធហត្ថក្រុងក្រចេះ ដឹកនាំដោយលោកវរសេនីយ៍ត្រី ផាត សុភ័ក្រ្តវាសនា មេបញ្ជាការ កងរាជអាវុធហត្ថក្រុងក្រចេះ ចុះបង្ក្រាបករណីចែកចាយ និងប្រើប្រាស់សារធាតុញៀន នៅចំណុចសំបួរសែនជ័យ ភូមិសំបួរ ឃុំស្វាយជ្រះ ស្រុកស្នួល ខេត្តក្រចេះ ដោយឃាត់ខ្លួនជនសង្ស័យបានចំនួន ០២នាក់មានឈ្មោះ អន ស៊ីថា ភេទប្រុស អាយុ ៣៥ឆ្នាំ រស់នៅភូមិសំបួរ ឃុំស្វាយជ្រះ ស្រុកស្នួល ខេត្តក្រចេះ និងឈ្មោះ ស៊យ គឹមសឿន ភេទប្រុស អាយុ ៣៦ឆ្នាំ រស់នៅភូមិអាលច ឃុំកន្តួត ស្រុកចិត្របូរី ខេត្តក្រចេះ រួមទាំងដកហូតបានវត្ថុតាងមាន៖ ម្សៅក្រាមពណ៌ស (ម៉ាទឹកកក) ចំនួន ០៣កញ្ចប់ធំ និង ០១កញ្ចប់តូច, ទូរស័ព្ទ ០១គ្រឿង , កូនកាំបិត ០១ (កាំបិតចុច) រួមនឹងសម្ភារៈសម្រាប់វេចខ្ចប់គ្រឿងញៀនមួយចំនួនទៀត ។

បច្ចុប្បន្នជនសង្ស័យ និងវត្ថុតាង មន្ត្រីជំនាញកងរាជអាវុធហត្ថកំពុងបន្តនីតិវិធី។