កំពង់ចាម៖ នៅចំណុចភូមិខ្វិត ឃុំតាំងក្រសាំង ស្រុកបាធាយ ខេត្តកំពង់ចាម កាលពីវេលាម៉ោង ១៥ និង ៥០នាទី ថ្ងៃទី២៥ ខែកុម្ភៈ ឆ្នាំ២០១៩ កម្លាំងការិយាល័យជំនាញ បានសហការជាមួយកម្លាំងមូលដ្ឋាន កងរាជអាវុធហត្ថស្រុកបាធាយ ចុះបង្រ្កាបករណីគ្រឿងញៀន ដោយឃាត់ខ្លួនជនសង្ស័យបានចំនួន ០៥នាក់ រួមមាន៖
១. ឈ្មោះ ហ៊ុយ ហាក់ ភេទប្រុស អាយុ ១៥ឆ្នាំ ជនជាតិខ្មែរ មុខរបរសិស្ស រស់នៅភូមិខ្វិត ឃុំតាំងក្រសាំង ស្រុកបាធាយ ខេត្តកំពង់ចាម
២. ឈ្មោះ ហ៊ុយ ហៀប ភេទប្រុស អាយុ ២៤ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិខ្វិត ឃុំតាំងក្រសាំង ស្រុកបាធាយ ខេត្តកំពង់ចាម
៣. ឈ្មោះ សឿន រ៉ា ភេទប្រុស អាយុ ២០ឆ្នាំ មុខរបរមិនពិតប្រាកដ រស់នៅភូមិជីនាង ឃុំតាំងក្រសាំង ស្រុកបាធាយ ខេត្តកំពង់ចាម
៤. ឈ្មោះ ហាំ សក្កដា ភេទប្រុស អាយុ ២២ឆ្នាំ មុខរបរមិនពិតប្រាកដ រស់នៅភូមិកណ្តោល ឃុំផ្អាវ ស្រុកបាធាយ ខេត្តកំពង់ចាម
៥. ឈ្មោះ ភឿត បូ ភេទប្រុស អាយុ ២៧ឆ្នាំ មុខរបរជាងបោះពុម្ពធៀបការ រស់នៅភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម។
ក្នុងប្រតិបត្តិការនោះ កម្លាំង ដកហូតបានវត្ថុតាងមានម្សៅក្រាមពណ៌សចំនួន ០២កញ្ចប់ និងទូរស័ព្ទដៃ ០៤គ្រឿង ។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញ កំពុងកសាងសំណុំរឿង បញ្ជូនទៅតុលាការ ដើម្បីចាត់ការតាមនីតិវិធី។