ដោយទទួលបាននូវការណែនាំពីលោក ឧត្តមសេនីយត្រី មាស សុវណ្ណ មេបញ្ជាការ^កងរាជអាវុធហត្ថខេត្តបាត់ដំបង ដល់មន្រ្តីជំនាញ និងគ្រប់គោលដៅទាំងអស់លើការងារបង្ការ បង្រ្កាប និងសង្រ្គោះ ជាក់ស្តែងនៅវេលាម៉ោង ១៩:០០ នាទី ថ្ងៃទី០២ ខែមីនា ឆ្នាំ២០១៩ នៅត្រង់ចំណុចផ្ទះសំណាក់ គង្គាហង្សនាគ បន្ទប់លេខ៩៨ ស្ថិតក្នុងភូមិរំចេក៥ សង្កាត់រតនៈ ក្រុង/ខេត្តបាត់ដំបង កម្លាំងមូលដ្ឋាន កងរាជអាវុធហត្ថក្រុងបាត់ដំបង បានចុះបង្ក្រាបករណីជួញដូរ ឬប្រើសប្រាស់ដោយខុសច្បាប់នូវសារធាតុញៀនដោយឃាត់ខ្លួនជនសង្ស័យចំនួន ០៥ នាក់:
១. ឈ្មោះ ហ៊ាង គឹមហុង ភេទប្រុស អាយុ ២០ ឆ្នាំ មុខរបរមិនពិតប្រាកដ មានទីលំនៅភូមិអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង ។
២. ឈ្មោះ ប៉ិច ចំរ៉ាត់ ហៅ យួន ភេទប្រុស អាយុ ២២ ឆ្នាំ មុខរបរមិនពិតប្រាកដ មានទីលំនៅភូមិចម្ការឬស្សី សង្កាត់ព្រែកព្រះស្តេច ក្រុង/ខេត្តបាត់ដំបង ។
៣. ឈ្មោះ ហេង ប៊ុនវឌ្ឍន៍ ភេទប្រុស អាយុ ១៧ ឆ្នាំ មុខរបរមិនពិតប្រាកដ មានទីលំនៅភូមិព្រែកព្រះស្តេច សង្កាត់ព្រែកព្រះស្តេច ក្រុង/ខេត្តបាត់ដំបង ។
៤. ឈ្មោះ ហេង ភារិទ្ធ ភេទប្រុស អាយុ ២៤ ឆ្នាំ មុខរបរមិនពិតប្រាកដ មានទីលំនៅភូមិព្រែកព្រះស្តេច សង្កាត់ព្រែកព្រះស្តេច ក្រុង/ខេត្តបាត់ដំបង ។
៥. ឈ្មោះ ច័ន្ទ មិថុនា ភេទប្រុស អាយុ ១៨ ឆ្នាំ មុខរបរមិនពិតប្រាកដ មានទីលំនៅភូមិវត្តតាមិម ឃុំអូរដំបង១ ស្រុកសង្កែ ខេត្តបាត់ដំបង ។
វត្ថុតាងដកហូតរួមមាន៖
១. សារធាតុញៀនប្រភេទម្សៅក្រាមពណ៌សរឹងថ្លាចំនួន ០១ កញ្ចប់ ។
២. ទូរស័ព្ទ ០២ គ្រឿង ។
៣. ម៉ូតូ ០២ គ្រឿង ។
បច្ចុប្បន្នជនសង្ស័យ រួមនឹងវត្ថុតាងមន្ត្រីជំនាញកំពុងកសាងសំណុំរឿងបន្តតាមនីតិវីធី ។