ព្រះវិហារ៖ បន្ទាប់ពីបានទទួលបទបញ្ជាពីលោក ឧត្តមសេនីយ៍ត្រី កង សៅគុណ មេបញ្ជាការ កងរាជអាវុធហត្ថខេត្តព្រះវិហារ នៅវេលាម៉ោង ១៣ និង ៤០នាទី ថ្ងៃទី០២ ខែមីនា ឆ្នាំ២០១៩ កម្លាំងមូលដ្ឋានកងរាជអាវុធហត្ថស្រុកជាំក្សាន្ត ដឹកនាំដោយលោក វរសេនីយ៍ត្រី ពេជ្រ សុភី មេបញ្ជាការ កងរាជអាវុធហត្ថស្រុកជាំក្សាន្ត បានចុះបង្ក្រាបករណីជួញដូរ និងប្រើប្រាស់នូវសារធាតុញៀន នៅចំណុចភូមិរលំថ្ម ឃុំរំដោះស្រែ ស្រុកជាំក្សាន្ត ខេត្តព្រះវិហារ ដោយឃាត់ខ្លួនជនសង្ស័យម្នាក់ឈ្មោះ ទឹម ទិត្យ ភេទប្រុស អាយុ ២៧ឆ្នាំ មុខរបរមិនពិតប្រាកដ រស់នៅភូមិរលំថ្ម ឃុំរំដោះស្រែ ស្រុកជាំក្សាន្ត ខេត្តព្រះវិហារ រួមទាំងដកហូតបានវត្ថុតាងមានម្សៅក្រាមពណ៌សថ្លា (ម៉ាទឹកកក) ចំនួន ២៣កញ្ចប់ (ធំ៧កញ្ចប់ តូច១៦កញ្ចប់), ថ្នាំញៀន (យ៉ាម៉ា) WY ចំនួន ៦០គ្រាប់, ទូរស័ព្ទដៃ ០១គ្រឿង, កាបូបស្ពាយ ០១, សម្ភារៈសម្រាប់ប្រើប្រាស់ និងវេចខ្ចប់គ្រឿងញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញកងរាជអាវុធហត្ថ កំពុងបន្តតាមនីតិវិធី។