បាត់ដំបង៖ នៅវេលាម៉ោង ១១: ៣០ នាទី ថ្ងៃទី១៣ ខែមីនា ឆ្នាំ២០១៩ នៅចំណុចសណ្ឋាគារស៊ីដនី ស្ថិតនៅភូមិរំចេក៣ សង្កាត់រតនៈ ក្រុងបាត់ដំបង ខេត្តបាត់ដំបង កម្លាំងការិយាល័យជំនាញបានធ្វើការឃាត់ខ្លួនជនសង្ស័យម្នាក់ឈ្មោះ ហម គឹមហ៊ាង ភេទស្រី អាយុ ៣២ឆ្នាំ មុខរបរកាត់ដេរ ទីលំនៅភូមិ ព្រែកមហាទេព សង្កាត់ស្វាយប៉ោ ក្រុងបាត់ដំបង ពាក់ព័ន្ធករណីជួញដូរ ឬប្រើប្រាស់ដោយខុសច្បាប់នូវសារធាតុញៀន ដោយដកហូតវត្ថុតាងគ្រឿងញៀនប្រភេទ មេតំហ្វេតាមីន (ICEទឹកកក) ចំនួន ១១កញ្ចប់ និងទូរស័ព្ទចំនួន ០១ គ្រឿង បច្ចុប្បន្នជនសង្ស័យ និង វត្ថុតាងមន្ត្រីជំនាញកំពុងបន្តនីតិវិធី ។
