បន្ទាយមានជ័យ៖ ព្រឹកថ្ងៃព្រហស្បតិ៍ ០៩កើត ខែផល្គុន ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី១៤ ខែមីនា ឆ្នាំ២០១៩ លោកវរសេនីយ៍ត្រី យ៉ាន់ សុវណ្ណ មេបញ្ជាការមូលដ្ឋានកងរាជអាវុធហត្ថ ក្រុងសិរីសោភ័ណ និងសហការី បាននាំយកអំណោយរបស់លោក ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ ទៅប្រគល់ជូនលោក នាយចំណង់ សឿត គឹមសាន សមាជិកមូលដ្ឋាន កងរាជអាវុធហត្ថក្រុងសិរីសោភ័ណ ដែលបានជួបគ្រោះថ្នាក់ចរាចរណ៍ ក្នុងពេលចុះបំពេញបេសកម្ម កាលពីថ្ងៃទី១១ ខែមីនា ឆ្នាំ២០១៩ នៅវេលាម៉ោង២១ និង៣០នាទីយប់ បច្ចុប្បន្ន សំរាកព្យាបាលនៅមន្ទីរពេទ្យ យោធភូមិភាគទី៥(ប៉ូពី) ខេត្តបាត់ដំបង ។ អំណោយរួមមានថវិកាចំនួន ៦,០៦០,០០០រៀល,ទឹកដោះគោឆៅ ០១កេះ, មី ០១កេះ, ទឹកផ្លែឈើ ០១កេះ និងទឹកបរិសុទ្ធ ០២កេះផងដែរ ។
