ខេត្តបាត់ដំបង: បើតាមអ្នកឆ្លើយឆ្លងព័ត៌មានGRK News បានឲ្យដឹងជំហានដំបូងមកថា ក្រុមចោរប្លន់០៥នាក់ប្រដាប់ដោយអាវុធAK ០១ដើម ខ្លី០១ដើមនិងដែកត្បែងមួយដើមនិងពាក់មុខដូចនិនចារ បានសម្រុកចូលប្លន់ផ្ទះអ្នកលក់គ្រឿងសំណង់និងសាំង នៅវេលាម៉ោង០៧និង២០នាទីយប់ថ្ងៃទី០៧ ឧសភា ២០១៦ ស្ថិតក្នុងភូមិកាឡោមភ្លុក ឃុំព្រៃស្វាយ ស្រុកមោងប្ញស្សី ។
បើតាមរបាយការណ៍បានឲ្យដឹងថា ម្ចាស់ផ្ទះឈ្មោះរ៉ើន រុន ភេទប្រុស អាយុ៤១ឆាំ្ន បាត់បង់ទ្រព្យសម្បត្តិរួមមាន៖ ខ្សែកបា្លកទីន ទម្ងន់១តម្លឹង៥ជី ខ្សែកមាស៤ជី កងដៃបា្លកទីនតម្លៃ២០០ដុល្លារ លុយខ្មែរ៨០ម៉ឺនរៀល ទូរស័ព្ទដៃ៣គ្រឿង (សាំងសុង១ ហួវៃ១និងចុចពិល) និងភ្ជង់ប្លន់អ្នកជិតខាងម្នាក់ទៀតឈ្មោះ សូត្រ សុខ ភេទស្រី អាយុ៣២ឆាំ្ន ដែលមកលេងផ្ទះជនរងគ្រោះយកទ្រព្យសម្បត្តិរួមមាន៖ ខ្សែកបា្លកទីន១ខ្សែ ទម្ងន់៥ជី កងដៃបា្លកទីនទម្ងន់៥ជី លុយខ្មែរ៣០ម៉ឺនរៀល ។
សេចក្តីរាយការណ៍បានបន្តថា ចាប់តាំងពីយប់រហូតមកដល់ព្រឹកថ្ងៃទី០៨ ឧសភានេះ កម្លាំងអាវុធហត្ថខេត្តបាត់ដំបង កំពុងស្រាវជ្រាវតាមប្រមាញ់ដើម្បីចាប់យកមកផ្តន់ទារ ទោសអោយខានតែបាន ៕