ព្រៃវែង៖ នៅវេលាម៉ោង ២១ និង ០០នាទី ថ្ងៃទី២០ ខែមីនា ឆ្នាំ២០១៩ កម្លាំងមន្ទីរយុត្តិធម៌កងរាជអាវុធហត្ថខេត្ត សហការជាមួយកម្លាំងមូលដ្ឋានកងរាជអាវុធហត្ថស្រុកពាមជរ និងកម្លាំងមូលដ្ឋានកងរាជអាវុធហត្ថស្រុកពាមរក៍ ដឹកនាំដោយលោក វរសេនីយ៍ត្រី ផាត់ សុជោត ប្រធានមន្ទីរយុត្តិធម៌ បានចុះបង្រ្កាបករណីគ្រឿងញៀន នៅចំណុចភូមិព្រែកក្របៅ ឃុំព្រែកក្របៅ ស្រុកពាមជរ ខេត្តព្រៃវែង ដោយឃាត់ខ្លួនជនសង្ស័យបានចំនួន ០៣នាក់ រួមមាន៖
១. ឈ្មោះ យ៉ាន នុច ភេទប្រុស អាយុ ២៥ឆ្នាំ រស់នៅភូមិព្រែកក្របៅ ឃុំព្រែកក្របៅ ស្រុកពាមជរ ខេត្តព្រៃវែង។
២. ឈ្មោះ ជឿន ចិន ភេទប្រុស អាយុ ២៥ឆ្នាំ រស់នៅភូមិព្រែកក្របៅ ឃុំព្រែកក្របៅ ស្រុកពាមជរ ខេត្តព្រៃវែង ។
៣. ឈ្មោះ លឹម ហ៊ីម ភេទប្រុស អាយុ ១៣ឆ្នាំ រស់នៅភូមិ៥ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែង រួមទាំងដកហូតបានវត្ថុតាងមាន៖ ម្សៅសក្រាមពណ៌ស ០៣កញ្ចប់, ឧបករណ៍ជក់ថ្នាំ ០២សម្រាប់, កន្រ្តៃ ០១, ដែកឆាបមុខស្រួច ០១, ផាវផ្ទុះ (ផាវគ្រាប់បែក) ៨១គ្រាប់, ទូរស័ព្ទ ០៣គ្រឿង និងថង់ចំនួន ៤៨។
បច្ចប្បន្នជនសង្ស័យ និងវត្ថុតាង ត្រូវបានកម្លាំងជំនាញ កសាងសំណុំរឿងបញ្ជូនទៅសាលាដំបូងខេត្តព្រៃវែង ដើម្បីចាត់ការតាមនីតិវិធី។