បាត់ដំបង៖ វេលាម៉ោង ០៣:០០ នាទី ទៀបភ្លឺថ្ងៃទី២៨ ខែមីនា ឆ្នាំ២០១៩ នៅចំណុចខាងលិចសណ្ឋាគារខេមរា បាត់ដំបង១ ស្ថិតក្នុងភូមិជ្រៃកោង សង្កាត់ស្លាកែត ក្រុង/ខេត្តបាត់ដំបង កម្លាំងមូលដ្ឋាន កងរាជអាវុធហត្ថក្រុងបាត់ដំបង បានបង្ក្រាបករណីគ្រឿងញៀន ដោយឃាត់ខ្លួនជនសង្ស័យចំនួនម្នាក់១ ឈ្មោះ ខៀវ សារ៉ាត់ (ហៅ វី) ភេទប្រុស អាយុ ២៥ឆ្នាំ មុខរបររត់ម៉ូតូឌុប មានទីលំនៅភូមិសូភី២ សង្កាត់រតនៈ ក្រុង/ខេត្តបាត់ដំបង ។
វត្ថុតាងដកហូតរួមមាន៖
១. សារធាតុញៀនប្រភេទម្សៅក្រាមពណ៌សរឹងថ្លា (ទឹកកក) ចំនួន ០២ កញ្ចប់ ។
២. ទូរស័ព្ទចំនួន ០១ គ្រឿង ។
៣. ម៉ូតូចំនួន ០១ គ្រឿង ។
បច្ចុប្បន្នជនសង្ស័យ រួមនឹងវត្ថុតាងមន្ត្រីជំនាញកំពុងកសាងសំណុំរឿងតាមនីតិវីធី ។
