កំពង់ចាម: មុននេះបន្តិច បុរសម្នាក់បានលោតពីលើស្ពានគីហ្ស៊ុណាប៉ងសម្លាប់ខ្លួន ដែលហេតុការណ៍នេះកើតឡើងកាលពីវេលាម៉ោង១៥ និង៤០នាទីរសៀល ថ្ងៃទី១២ ខែឧសភា ឆ្នាំ២០១៦ ។
សមត្ថកិច្ចបានឲ្យដឹងថា បុរសរងគ្រោះឈ្មោះ ប៉ែន ពិសិដ្ឋ អាយុ២៨ឆ្នាំ រស់នៅភូមិបឹងកុក២ សង្កាត់បឹងកុក ក្រុងកំពង់ចាម បានលោតពីលើស្ពានក្នុងគោលបំណងសម្លាប់ខ្លួនដោយសារតែមានវិបត្តិផ្លូវចិត្តក្នុងគ្រួសារ ប៉ុន្តែការប៉ងសម្លាប់ខ្លួននេះមិនបានសម្រេចទេ ដោយត្រូវក្រុមអ្នកនេសាទជួយសង្គ្រោះទាន់ ។
