បន្ទាយមានជ័យ៖ ថ្ងៃចន្ទ ទី២២ ខែមេសា ឆ្នាំ២០១៩ លោកឧត្តមសេនីយ៍ត្រី ស៊ុន សម្បត្តិ មេបញ្ជាការរង កងរាជអាវុធហត្ថខេត្ត តំណាងលោកឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ បានដឹកនាំនាយទាហាន នាយទាហានរង និងពលទាហានជាច្រើនរូប បានអញ្ជើញចូលរួមគោរពវិញ្ញាណក្ខន្ធសពលោកអនុសេនីយ៍ត្រី សូ សារ៉េត នាយក្រុមប្រតិបត្តិទី១ មូលដ្ឋានកងរាជអាវុធហត្ថស្រុកថ្មពួក ដែលបានទទួលមរណៈភាពកាលពីថ្ងៃទី២១ ខែមេសា ឆ្នាំ២០១៩ ដោយរោគាពាធ។ ក្នុងឱកាសនោះ លោកឧត្តមសេនីយ៍ត្រី ស៊ុន សម្បត្តិ ក៏បាននាំយកសម្ភារៈ និងថវិកាមូលនិធិគ្រួសារអាវុធហត្ថ និងថវិការបស់លោកឧត្តមសេនីយ៍ត្រី បោន ប៊ិន ទៅប្រគល់ជូនក្រុមគ្រួសារសពរួមមាន៖ ថវិកាចំនួន ១២.០០០.០០០រៀល, អង្ករ ០២ការ៉ុង ស្មើ ១០០គីឡូក្រាម, មី ០៣កេសធំ ស្មើ ១៨កេសតូច, ទឹកបរិសុទ្ធ ២០យួរ, ទឹកស៊ីអ៊ីវ ០៥យួរ និងទឹកត្រី ០៥យួរ។