ភ្នំពេញៈ វេលាម៉ោង០៥ និង៣០នាទីទៀបភ្លឺថ្ងៃទី១៣ ខែឧសភា ឆ្នាំ២០១៦ កម្លាំងអាវុធហត្ថខណ្ឌ៧មករា បានបង្ក្រាបចោរលួចគាស់ផ្ទះម្នាក់ នៅចំនុចមុខផ្ទះលេខ៣១(ខារ៉ាអូខេស៊ីធីឡាយ) ផ្លូវ២១៧ សង្កាត់វាលវង់ ខណ្ឌ៧មករា។ ជនសង្ស័យមានឈ្មោះចាន់ ឡាក់គី ភេទ ប្រុស អាយុ២៥ឆ្នាំ ជនជាតិខ្មែរ មុខរបរ និងទីលំនៅ ពុំពិតប្រាកដ ។
តាមការស្ដាប់ចំលើយជនសង្ស័យបានសារភាពថាខ្លួនបានធ្វើ សកម្មភាពលួចសំភារៈ នៅតាម ផ្ទះចំនួន០៣លើក កន្លងមកហើយតែពុំដែលសម្ថកិច្ចចាប់បានទេ ។ លុះដល់ថ្ងៃទី១៣ ខែឧសភា ឆ្នាំ២០១៦ វេលាម៉ោង០៥ និង៣០នាទីទៀបភ្លឺខ្លួនក៏បានធ្វើសកម្មភាពចូលលួច កេសដាក់លុយក្នុងអាគារខារ៉ាអូខេស៊ីធីឡាយ ។
សំភារៈដែលជនសង្ស័យលួចបានកន្លងមកមានទូរស័ព្ទ ដែលគេយកទៅលក់នៅផ្សារកណ្ដាល រួចយកប្រាក់ទៅទិញគ្រឿងញៀន
សេព នៅមុខពេទ្យលោកសង្ឃ និងចំណាយផ្សេងៗ ។
បច្ចុប្បន្នជនសង្ស័យ និងវត្ថុតាងបញ្ចូនទៅការិយាល័យព្រហ្មទណ្ឌអាវុធហត្ថរាជធានី ដើម្បីអនុវត្តន៍តាមនីតិវិធីបន្ត ៕