ក្រចេះ៖ អនុវត្តតាមបទបញ្ជារបស់លោក ឧត្តមសេនីយ៍ត្រី សាន្ត ប៊ុនថាន មេបញ្ជាការ កងរាជអាវុធហត្ថខេត្តក្រចេះ និងមានការសម្របសម្រួលនីតិវិធី ពីលោក កែវ សុជាតិ ព្រះរាជអាជ្ញា អមសាលាដំបូងខេត្តក្រចេះ កាលពីវេលាម៉ោង ១៤ និង ៣០នាទី ថ្ងៃទី២៥ ខែមេសា ឆ្នាំ២០១៩ កម្លាំងមូលដ្ឋានកងរាជអាវុធហត្ថក្រុងក្រចេះ ដឹកនាំដោយលោក វរសេនីយ៍ត្រី ផាត សុភ័ក្រ្តវាសនា មេបញ្ជាការមូលដ្ឋាន កងរាជអាវុធហត្ថក្រុងក្រចេះ បានចុះបង្ក្រាបករណីគ្រឿងញៀន នៅចំណុចភូមិកាប៉ូ សង្កាត់អូរឬស្សី ក្រុង/ខេត្តក្រចេះ ដោយឃាត់ខ្លួនជនសង្ស័យបានចំនួន ០១នាក់ឈ្មោះហេង សុខណា ភេទប្រុស អាយុ ៣៤ឆ្នាំ រស់នៅភូមិកាប៉ូ សង្កាត់អូរឬស្សី ក្រុង/ខេត្តក្រចេះ រួមទាំងដកហូតបានវត្ថុតាងម្សៅក្រាមពណ៌ស (ម៉ាទឹកកក) ចំនួន ១០កញ្ចប់តូច, បង់កាំភ្លើង ០១, ទុសសៀ ០១ និងថង់សម្រាប់ច្រកសារធាតុញៀនមួយចំនួន។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញ បញ្ជូនទៅមូលដ្ឋានកងរាជអាវុធហត្ថក្រុងក្រចេះ ចាត់ការបន្តតាមនីតិវិធី។