ស្វាយរៀង៖ នៅថ្ងៃទី២៤ ខែមេសា ឆ្នាំ២០១៩ ប្រជាពលរដ្ឋបានមករាការណ៍ជូនមកសមត្ថកិច្ចមូលដ្ឋានកងរាជអាវុធហត្ថក្រុងបាវិតថា នៅចំណុចការដ្ឋានសំណង់កាស៊ីណូម៉ុកបាយ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង មានករណីជួញដូរគ្រឿងញៀន។ ដល់វេលាម៉ោង ២០:០០នាទី ថ្ងៃទី២៤ ខែមេសា ឆ្នាំ២០១៩ ក្រោមបញ្ជាផ្ទាល់លោក ឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថខេត្តស្វាយរៀង កម្លាំងកងរាជអាវុធហត្ថខេត្តស្វាយរៀង សហការជាមួយកម្លាំងមូលដ្ឋាន កងរាជអាវុធហត្ថក្រុងបាវិត ដឹកនាំដោយលោក វរសេនីយ៍ឯក ស្រី វុត្ថា មេបញ្ជាការរងទទួលការងារយុត្តិធម៌ បានចុះប្រតិបត្តិការបង្រ្កាប នៅសំណង់កាស៊ីណូម៉ុកបាយ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ដោយធ្វើការឃាត់ខ្លួនជនសង្ស័យចំនួន ០៣នាក់ រួចធ្វើការឆែកឆេរក្នុងខ្ទមការដ្ឋានកាស៊ីណូម៉ុកបាយ សមត្ថកិច្ចយើងបានធ្វើការរកឃើញថ្នាំញៀនចំនួន ៣៤កញ្ចប់ និងធ្វើការឆែកឆេរ ក្នុងការបូបស្ពាយរបស់ឈ្មោះ កែ រ៉ាវី រកឃើញថ្នាំញៀនចំនួន ៩៣ កញ្ចប់បន្ថែមទៀត រហូតដល់ម៉ោង ២២: 00នាទី ថ្ងៃទី២៤ ខែមេសា ឆ្នាំ២០១៩ ដោយមានការដឹកនាំសម្របសម្រួលពីលោក គង់ ច័ន្ទខេមរិន្ទ ព្រះរាជអាជ្ញាអមសាលាដំបូងខេត្តស្វាយរៀង កម្លាំងបានធ្វើការឆែកឆេរបន្ទប់ជួលលេខ១២ ផ្ទះសំណាក់ឋានសួគ៌ ដែលស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ឆែកឆេររថយន្តម៉ាក Hihg lander ពណ៌សគ្មានស្លាកលេខ ដែលជាកម្មសិទ្ធរបស់ឈ្មោះ អំ សុក រកឃើញថ្នាំញៀន ៣៦កញ្ចក់នៅក្នុងរថយន្ដ។ បន្ទាប់ពីធ្វើការសាកសួរ ជនសង្ស័យឈ្មោះ អំ សុក ខ្លួនបានសារភាពថា ខ្លួនបានទិញថ្នាំញៀនពីឈ្មោះ យ៉ាន ភារម្យ ភេទប្រុស រស់នៅខេត្តក្រចេះ។ រហូតដល់ម៉ោង ១៤:៣០នាទី ថ្ងៃទី២៥ ខែមេសា ឆ្នាំ២០១៩ ឈ្មោះ អំ សុក បានធ្វើការទំនាក់ទំនងទិញថ្នាំញៀនពីឈ្មោះ យ៉ាន ភារម្យ មានទីលំនៅ ភូមិស្រែទ្រៀ ឃុំដំរីផុង ស្រុកឆ្លូង ខេត្តក្រចេះ បន្ទាប់កងរាជអាវុធហត្ថខេត្តស្វាយរៀង សហការជាមួយកម្លាំងកងរាជអាវុធហត្ថខេត្តក្រចេះ បានចុះប្រតិបត្តិការឃាត់ខ្លួនសង្ស័យឈ្មោះ យ៉ាន ភារម្យ នៅចំណុចភូមិព្រៃគោ ឃុំដំរីផុង ស្រុកឆ្លូង ខេត្តក្រចេះ បានរកឃើញថ្នាំញៀន ០១កញ្ចប់ធំ និងបាននាំខ្លួនជនសង្ស័យ ព្រមទាំងវត្ថុតាង បញ្ជូនមកបញ្ជាការដ្ឋាន កងរាជអាវុធហត្ថខេត្តស្វាយរៀងដើម្បីធ្វការសាកសួរ។
ជនសង្ស័យទាំង ០៤ នាក់រួមមាន៖
១.ឈ្មោះ អំ សុក ភេទប្រុស អាយុ ៣៩ឆ្នាំ ជនជាតិខ្មែរ មុខរបរកសិករ ទីលំនៅបច្ចុប្បន្នភូមិជ្រោយថ្មក្រោម ឃុំឆ្លូង ស្រុកឆ្លូង ខេត្តក្រចេះ
២.ឈ្មោះ កែវ រ៉ាវី ភេទប្រុស អាយុ ២៥ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នស្នាក់នៅការដ្ឋានសំណង់កាស៊ីណូម៉ុកបាយ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង
៣.ឈ្មោះ កែវ ប្រសិទ្ធ ភេទប្រុស អាយុ ២០ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បន្នភូមិច្រកម្ទេស សង្កាត់ច្រកម្ទេស ក្រុងបាវិត ខេត្តស្វាយរៀង
៤.ឈ្មោះ យ៉ាន ភារម្យ ភេទប្រុស អាយុ ២៩ឆ្នាំ ជនជាតិខ្មែរ មុខរបរកសិករ ទីលំនៅបច្ចុប្បន្នភូមិស្រែទ្រៀ ឃុំដំរីផុង ស្រុកឆ្លូង ខេត្តក្រចេះ។
+វត្ថុតាងដកហូតរួមមាន៖ ម៉ូតូចំនួន ០៣គ្រឿង, រថយន្ដចំនួន ០១គ្រឿង, ម្សៅក្រាមពណ៌សថ្លាចំនួន ១៦៤កញ្ចប់ ស្មើនឹង ១៨៣,៦១ក្រាម។
បច្ចុប្បន្នជនសង្ស័យ និងវត្ថុតាងត្រូវបានកម្លាំងកងរាជអាវុធហត្ថខេត្តស្វាយរៀងបញ្ជូនទៅសាលាដំបូងខេត្តស្វាយរៀង។