បន្ទាយមានជ័យ ៖ ស្ត្រីម្នាក់រងរបួសក្បាលហូរឈាមស្រោចខ្លួន ដោយសារស្នាដៃបុរសម្នាក់វាយនិងដំបងប្ញស្សី បន្ទាប់ពីផ្ទុះជម្លោះពាក្យសម្តីដាក់គ្នាមួយប្រាវ ហេតុការណ៍នេះកើតឡើង កាលពីវេលាម៉ោងជាង០៨យប់ថ្ងៃទី១២ ឧសភា ២០១៦ ស្ថិតនៅភូមិជ្រៃ ឃុំបឹងបេង ស្រុកម៉ាឡៃ ។
ស្ត្រីរងគ្រោះឈ្មោះលន់ ចាន់នី អាយុ៥៣ឆ្នាំ ស្នាក់នៅក្នុងភូមិកើតហេតុ ។ រីឯជនបង្កឈ្មោះឡាច រ៉ា អាយុ៤០ឆ្នាំ ស្នាក់នៅក្នុងភូមិកើតហេតុដូចគ្នា ដោយសារជម្លោះពាក្យសម្តីស្ត្រីរងគ្រោះស្រវឹងឡូឡារំខានគេឯង ។
យ៉ាងណាក៏ដោយ ជនបង្កត្រូវកម្លាំងប្រជាការពារភូមិ សហការជាមួយកម្លាំងចំរុះ ធ្វើការឃាត់ខ្លួនភ្លាមៗ។
ជម្លោះខាងលើកើតឡើងដោយសារ ពីដំបូងស្ត្រីរងគ្រោះ មកពីផឹកស្រាស្រវឹងជេរកូនចៅ និងឡូឡា លុះជនបង្កទៅហាមឃាត់ សុំកុំឱ្យឡូឡា ព្រោះរំខានការដេកពួនអ្នកស្រុក ស្រាប់តែស្ត្រីរងគ្រោះ ប្រើពាក្យអសុរោះស្រែកថា «ទើសក្បាលអីអ្ហែង» ។
ភ្លាមនោះ ជនដៃដល់ទ្រាំមិនបាន ក៏ទាញដំបងវាយបែកក្បាលរបួសតែម្តង ។ ក្រោយកើតហេតុ ត្រូវសាច់ញាត់នាំទៅព្យាបាលនៅមណ្ឌលសុខភាពបឹងបេង ។