ដោយមានការអនុញ្ញាតពីលោក ឧត្តមសេនីយ៍ត្រី ខេង ទីតូ មេបញ្ជាការ កងរាជអាវុធហត្ថខេត្តកែប និងមានការសម្របសម្រួលនីតិវិធីពីលោក ខាន់ សុផល ព្រះរាជអាជ្ញារង អមសាលាដំបូងខេត្តកែប វេលាម៉ោង ៩ និង ០០ នាទីថ្ងៃសុក្រ ទី០៣ ខែឧសភា ឆ្នាំ២០១៩ កម្លាំងមន្ទីរយុត្តិធម៌កងរាជអាវុធហត្ថខេត្ត សហការជាមួយកម្លាំង មូលដ្ឋានកងរាជអាវុធហត្ថក្រុងកែប និងកំលាំងមូលដ្ឋានកងរាជអាវុធហត្ថស្រុកដំណាក់ចង្អើរ ដឹកនាំដោយលោក វរសេនីយ៍ត្រី នាង រ័ត្ន បានចុះបង្រ្កាបករណី គ្រឿងញៀន ស្ថិតនៅភូមិចំការចេក ឃុំពងទឹក ស្រុកដំណាក់ចង្អើរ ខេត្តកែប ដោយបានឃាត់ខ្លួនជនសង្ស័យចំនួន ០៣នាក់រួមមាន៖
១-ឈ្មោះ សាវ ចន្ធី ភេទប្រុស អាយុ២៩ ឆ្នាំ មុខរបរកម្មកររោងចក្រ រស់នៅភូមិព្រៃតាកុយ ឃុំពងទឹក ស្រុកដំណាក់ចង្អើរ ខេត្តកែប។
២-ឈ្មោះ ញ៉ា ភៀន ភេទប្រុសអាយុ១៩ ឆ្នាំ មុខរបរនេសាទ រស់នៅភូមិអង្កោល ឃុំពងទឹក ស្រុកដំណាក់ចង្អើរ ខេត្តកែប
៣-ឈ្មោះ ញ៉ា ហាក់ ភេទប្រុស អាយុ១៨ ឆ្នាំ មុខរបរនេសាទ រស់នៅ ភូមិអំពែង ឃុំពងទឹក ស្រុកដំណាក់ចង្អើរ ខេត្តកែប
សម្ភារ:ដកហូតរួមមានៈ
១- ម្សៅក្រាមពណ៌សថ្លា ១១ កញ្ជាប់តូចនិង១ កញ្ចប់ធំ
២- ម៉ូតូ ១គ្រឿង
៣- ទូរស័ព្ឌដៃ ២គ្រឿង
បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្ត កសាងសំណុំរឿង តាមនីតិវិធី។