ក្រចេះ ៖ ដោយមានការណែនាំ និងចង្អុលបង្ហាញ ពីលោកឧត្តមសេនីយ៍ត្រី សាន្ត ប៊ុនថា មេបញ្ជាការ កងរាជអាវុធហត្ថខេត្ត នៅថ្ងៃទី០៤ ខែឧសភា ឆ្នាំ២០១៩ កម្លាំងកងរាជអាវុធហត្ថខេត្ត និងកម្លាំងមូលដ្ឋានកងរាជអាវុធហត្ថស្រុកស្នួល និងស្នាក់ការសន្តិសុខ ដឹកនាំដោយលោកវរសេនីយ៍ឯក មុត វណ្ណៈ មេបញ្ជាការរង បានចុះបង្ក្រាបបទល្មើសព្រៃឈើ នៅចំណុច UTM = ០៦៦២០៤៩ – ១៣២៨១៦២ ក្នុងចំការកៅស៊ូ នៅភូមិវីវ ឃុំ២ធ្នូ ស្រុកស្នួល ដោយដកហូតបានរថយន្ត ០១គ្រឿង ម៉ាកហ៊ីយ៉ុនដាយ ពណ៌សលាយខៀវ ចំណុះ ៥តោន ពណ៌ខៀវ គ្មានស្លាកលេខ ផ្ទុកឈើប្រហែល ៥០ដុំ មិនទាន់បានវាស់វែង, ចំណុច UTM = ០៦៦២៨៨០ – ១៣២៨៨០០ និងចំណុច UTM = ០៦៦៣០៤៩ – ១៣២៩០៨៥ មានឈើប្រហែល ១៣០ដុំ (មិនទាន់វាស់វែង)។ ចំណែកអ្នកបើកបរ បានរត់គេចបាត់។
បច្ចុប្បន្នវត្ថុតាងខាងលើ កំពុងធ្វើការដឹកជញ្ជូនយកទៅរក្សាទុក នៅសួនអាពាហ៍ពិពាហ៍ឃ្សឹម ស្រុកស្នួល ខេត្តក្រចេះ ដើម្បីបន្តនីតិវិធី។