ក្រចេះ៖ អនុវត្តតាមកាតចង្អុរបង្ហាញរបស់លោក ឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថ ខេត្តក្រចេះ និងដោយមានការសម្របសម្រួល ពីលោក កែវ សុជាតិ ព្រះរាជអាជ្ញាអមសាលាដំបូងខេត្តក្រចេះ នៅវេលាម៉ោង ១៥:១០នាទី ថ្ងៃទី១២ ខែឧសភា ឆ្នាំ២០១៩ កម្លាំងមូលដ្ឋានកងរាជអាវុធហត្ថក្រុងក្រចេះ ដឹកនាំដោយលោកវរសេនីយ៍ត្រី ផាត សុភក្រ្ត័វាសនា មេបញ្ជាការក្រុងក្រចេះ សហការជាមួយកម្លាំងមន្ទីរយុត្តិធម៌កងរាជអាវុធហត្ថខេត្ត និងកម្លាំងមូលដ្ឋានកងរាជអាវុធហត្ថស្រុកស្នួល បានចុះបង្ក្រាបករណីគ្រឿងញៀន នៅចំណុចភូមិកាត់ដៃ ឃុំស្នួល ស្រុកស្នួល ខេត្តក្រចេះ ដោយឃាត់ជនសង្ស័យចំនួន ០៤នាក់ៈ
១.ឈ្មោះ ណែត បូរិន ភេទប្រុស អាយុ ២២ឆ្នាំ រស់នៅភូមិកាត់ដៃ ឃុំស្នួលស្រុកស្នួល ខេត្តក្រចេះ។
២.ឈ្មោះ ឡុង គឹមសាន្ត ភេទប្រុស អាយុ៣៦ ឆ្នាំ រស់នៅភូមិកាត់ដៃ ឃុំស្នួល ស្រុកស្នួល ខេត្តក្រចេះ។
៣.ឈ្មោះ ជា វិឆៃ ភេទប្រុស អាយុ ២០ឆ្នាំ រស់នៅភូមិកាត់ដៃ ឃុំស្នួល ស្រុកស្នួល ខេត្តក្រចេះ។
៤.ឈ្មោះ ប្រាក់ វិជ្ជតា ភេទប្រុស អាយុ ៤៤ឆ្នាំ រស់នៅភូមិរកាកណ្តាល០១ សង្កាត់រកាកណ្តាល ក្រុងក្រចេះ ខេត្តក្រចេះ។
វត្ថុតាងចាប់យករួមមាន៖
១.ម្សៅក្រាមពណ៌ស(ម៉ាទឹកកក)សង្ស័យជាសារធាតុញៀនចំនួន ១៥កញ្ចប់ ។
២.ជញ្ជីងសម្រាប់ថ្លឹងគ្រឿងញៀន០១។
៣.សម្ភារៈសម្រាប់ប្រើប្រាស់ និងវេចខ្ចប់គ្រឿងញៀនមួយចំនួន។
៤.ម៉ូតូចំនួន ០១គ្រឿង។
៨.ទូរស័ព្ទចំនួន០១គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្ត កសាងសំណុំរឿងតាមនីតិវិធី។