កំពង់ស្ពឺ៖ នៅព្រឹកថ្ងៃ១៦ ខែឧសភា ឆ្នាំ២០១៩ លោក វរសេនីយ៍ឯក ចាន់ ដា មេបញ្ជាការរង និងជានាយសេនាធិការ តំណាងលោក ឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំក្នុងកិច្ចប្រជុំផ្សព្វផ្សាយផែនការការពារសន្តិសុខ ព្រះរាជពិធីច្រត់ព្រះនង្គ័ល ពិធីបុណ្យវិសាខបូជា និងផ្សព្វផ្សាយផែនការផ្សេងៗ ដោយមានការចូលរួមពីមេបញ្ជការរងទទួលផែន ប្រធានមន្ទីរទាំង នាយការិយាល័យ មេបញ្ជាការក្រុង-ស្រុក ប្រធានស្នាក់ការសន្តិសុខ នាយទាហាន នាយទាហានរងចំណុះបញ្ជាការដ្ឋាន កងរាជអាវុធហត្ថខេត្តកំពង់ស្ពឺ ជាច្រើនរូបទៀត។