បាត់ដំបង: វេលាម៉ោង១៥ និង០០នាទី ថ្ងៃទី១៣ ខែឧសភា ឆ្នាំ២០១៦ កម្លាំងអាវុធហត្ថខេត្តបាត់ដំបង បានធ្វើការប្រតិបត្តិការបង្ក្រាប និងឃាត់ខ្លួនជនសង្ស័យចំនួន០១នាក់ ពាក់ពន្ធ័ករណីរក្សាទុក និងជួញដូរគ្រឿងញៀន នៅចំណុចបរិវេណវត្តដំរីស ភូមិកម្មករ សង្កាត់ស្វាយប៉ោ ក្រុងបាត់ដំបង។
ជនសង្ស័យមានឈ្មោះ សោម ស៊ីន ភេទប្រុស អាយុ ៣២ឆ្នាំ មុខរបរ កម្មករ ទីលំនៅភូមិ ហៃសាន ឃុំ ជ្រៃ ស្រុក ថ្មគោល ខេត្តបាតដំបង។
+ចាប់យកវត្ថុតាងរួមមាន :
០១. ម៉ាទឹកកកចំនួន ៣២ កញ្ចប់ ដែលមានទម្ងន់ស្មើ ៣៩៤.៧៦ក្រាម
០២. ថ្នាំញៀនប្រភេទយ៉ាម៉ាចំនួន ០៥គ្រាប់
០៣. ទូរស័ព្ទដៃចំនួន ០៣គ្រឿង
០៤. ម៉ូតូចំនួន ០៤គ្រឿង
០៥. ដាវសាម៉ូរ៉ៃចំនួន ០៣ដើម
បច្ចុប្បន្នជនសង្ស័យត្រូវបានកម្លាំងអាវុធហត្ថក្រុងបាត់ដំបង កំពុងកសាងសំណុំរឿងបញ្ជូនទៅអាវុធហត្ថខេត្ត ដើម្បីបន្តនីតិវិធី។