កំពង់ឆ្នាំង៖ នៅចំណុចភូមិព្រៃខ្មែរ ឃុំរលាប្អៀរ ស្រុករលាប្អៀរ ខេត្តកំពង់ឆ្នាំង កាលពីវេលាម៉ោង ១០ និង ៤៥នាទី ថ្ងៃទី០៧ ខែមិថុនា ឆ្នាំ២០១៩ កម្លាំងមូលដ្ឋាន កងរាជអាវុធហត្ថក្រុងកំពង់ឆ្នាំង សហការជាមួយកម្លាំង មូលដ្ឋានកងរាជអាវុធហត្ថស្រុករលាប្អៀរ ដឹកនាំដោយលោក អនុសេនីយ៍ឯក អ៊ឹម លីអ៊ឹម មេបញ្ជាការ មូលដ្ឋានកងរាជអាវុធហត្ថក្រុងកំពង់ឆ្នាំង ចុះឃាត់ខ្លួនជនសង្ស័យបានចំនួន ១នាក់មាន ឈ្មោះ យាន សុវណ្ណចិត្រា ភេទប្រុស អាយុ ២៤ឆ្នាំ មានទីលំនៅភូមិកំពង់អុស សង្កាត់ផ្សារឆ្នាំង ក្រុងកំពង់ឆ្នាំង ពាក់ព័ន្ធនឹងករណីគ្រឿងញៀន ។
ក្នុងប្រតិបត្តការនោះ កម្លាំងជំនាញ បានដកហូតវត្ថុតាងមានម្សៅក្រាមពណ៌សថ្លា (ម៉ាទឹកកក) ទម្ងន់ ០,៣៤ក្រាម, ទូរស័ព្ទដៃ ០១គ្រឿង, អត្តសញ្ញាណប័ណ្ណ ០១សន្លឹក និងម៉ូតូ ០១គ្រឿង។
បច្ចុប្បន្នជនសង្ស័យ និងវត្ថុតាង ត្រូវបានខាងការិយាល័យជំនាញ កសាងសំណុំរឿងបញ្ជូនទៅតុលាការ ដើម្បីចាត់ការតាមនីតិវិធី។