កំពង់ស្ពឺ: វេលាម៉ោង១៣ និង៣៥នាទី ថ្ងៃទី១៧ ខែឧសភា ឆ្នាំ២០១៦ កម្លាំងកងរាជអាវុធហត្ថខេត្តកំពង់ស្ពឺ បានធ្វើការប្រតិបត្តិការបង្ក្រាប និងឃាត់ខ្លួនជនសង្ស័យចំនួន០៣នាក់ ពាក់ពន្ធ័ករណីគ្រឿងញៀនចំនួន ០១លើក នៅចំណុចភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ ។ ជនសង្ស័យទាំងនោះ០៣នាក់មានឈ្មោះ ៖
០១.ឈ្មោះផាត ហ៊ាប ភេទស្រី អាយុ៤៧ឆ្នាំ រស់នៅភូមិរំដួល ឃុំត្រពាំងគង ស្រុកសំរោងទង(ម្ចាស់ផ្ទះ)
០២.ឈ្មោះជិន ជន ភេទប្រុស អាយុ២៦ឆ្នាំ (កូន)រស់នៅជាមួយគ្នា
០៣.ឈ្មោះមឿន រី ភេទប្រុស អាយុ៣៣ឆ្នាំ ស្រុកកំណើតភូមិសំពៅលូន ឃុំសំពៅលូន ស្រុកស្អាង ខេត្តកណ្តាល មកស្នាក់នៅផ្ទះឈ្មោះផាត ហ៊ាប ភូមិរំដួល ឃុំត្រពាំគង។
+ចាប់យកវត្ថុតាងរួមមាន :
០១-ថ្នាំញៀនម៉ាទឹកកក ចំនួន១១កញ្ចប់
០២.ទូរស័ព្ទចំនួន ០១គ្រឿង
០៣.លុយខ្មែរ៧០០០០៛ (ប្រាំពីរម៉ឺនរៀល)
០៤.ថង់ច្រកថ្នាំមួយចំនួន។
បច្ចុប្បន្នជនសង្ស័យត្រូវបានកម្លាំងអាវុធហត្ថខេត្តកំពង់ស្ពឺ កំពុងកសាងសំណុំរឿងបញ្ជូនទៅតុលាការ ដើម្បីបន្តនីតិវិធី។