កំពង់ស្ពឺ៖ រសៀលថ្ងៃទី១៥ ខែមិថុនា ឆ្នាំ២០១៩ កម្លាំងមូលដ្ឋាន កងរាជអាវុធហត្ថក្រុងច្បារមន ដឹកនាំដោយលោកវរសេនីយ៍ត្រី ធី ឆៃ មេបញ្ជាការ កងរាជអាវុធហត្ថមូលដ្ឋានក្រុង បានចុះឃាត់ខ្លួនជនសង្ស័យចំនួន ០២នាក់ ពាក់ព័ន្ធករណី គ្រឿងញៀន នៅភូមិចំបក់ ឃុំវល្លិ៍ស ស្រុកសំរោងទង ខេត្តកំពង់ស្ពឺ។

ជនសង្ស័យមានឈ្មោះ វ៉ា គីមហួរ ភេទប្រុស អាយុ ១៨ឆ្នាំ មុខរបរមិនពិតប្រាកដ មានទីលំនៅភូមិទួលសំណាង ឃុំវល្លិ៍ស ស្រុកសំរោងទង ខេត្តកំពង់ស្ពឺ និងឈ្មោះ ម៉ៃ សីហាក់ ភេទប្រុស អាយុ ២០ឆ្នាំ មុខរបរមិនពិតប្រាកដ មានទីលំនៅភូមិព្នាយ ឃុំវល្លិ៍ស ស្រុក សំរោងទង ខេត្តកំពង់ស្ពឺ រួមទាំងដកហូតបានវត្ថុតាងមាន ៖ ថ្នាំញៀនម៉ាទឹកកកចំនួន ០១កញ្ចប់, ទូរស័ព្ទ ០២គ្រឿង និងម៉ូតូ ០១គ្រឿង។

បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញ កសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី។