កណ្តាល: វេលាម៉ោង១៦ និង៣០នាទី ថ្ងៃទី១៨ ខែឧសភា ឆ្នាំ២០១៦ កម្លាំងកងរាជអាវុធហត្ថខេត្តកណ្តាល បានធ្វើការប្រតិបត្តិការបង្ក្រាប និងឃាត់ខ្លួនជនសង្ស័យចំនួន០១នាក់ ពាក់ពន្ធ័ករណីគ្រឿងញៀន ស្ថិតនៅ ចំណុចភូមិថ្មី២ សង្កាត់តាខ្មៅ ក្រុងតាខ្មៅ ខេត្តកណ្តាល។ ជនសង្ស័យមានឈ្មោះ ៖ ណាក់ ស៊ីវ យី ភេទ ស្រី អាយុ១៦ឆ្នាំ មុខរបរមិនពិតប្រាកដ ទីលំនៅ ភូមិលេខ១ ឃុំ ស្វាយរលំ ស្រុកស្អាង ខេត្តកណ្តាល ។ ចាប់យកវត្ថុតាងរួមមាន : ថ្នាំញៀនម៉ាទឹកកក ចំនួន០៣កញ្ចប់
បច្ចុប្បន្នជនសង្ស័យត្រូវបានកម្លាំងអាវុធហត្ថខេត្តកណ្តាល កំពុងកសាងសំណុំរឿងបញ្ជូនទៅតុលាការ ដើម្បីបន្តនីតិវិធី។