កំពង់ឆ្នាំង៖ នៅវេលាម៉ោង ០៩ និង ៣០នាទី ថ្ងៃទី២៩ ខែមិថុនា ឆ្នាំ២០១៩ នៅចំណុចភូមិក្រាំងស្គារកណ្តាល ឃុំក្រាំងស្គារ ស្រុកទឹកផុស កម្លាំងកងរាជអាវុធហត្ថខេត្ត ដឹកនាំដោយលោកអនុសេនីយ៍ទោ សុន វណ្ណា បានសហការជាមួយកម្លាំងសង្កាត់រដ្ឋបាលព្រៃឈើក្រាំងស្គារ បានចុះបង្រ្កាបគោយន្តដឹកឈើរបស់ម្ចាស់ឈ្មោះ យឹម ទឿន ភេទប្រុស អាយុ ២១ឆ្នាំ មានទីលំនៅភូមិ-ឃុំ កើតហេតុខាងលើ ដែលគ្មានលិខិតអនុញ្ញាត រួមទាំងដកហូតបានវត្ថុតាងមាន៖ គោយន្ត ០១គ្រឿង, ឈើផ្ចឹកប្រភេទលេខ១ ចំនួន ១១ដើម និងឈើថ្លុងត្បែងប្រភេទលេខ២ ចំនួន ១១ដើម។ ចំណែកម្ចាស់ បានរត់គេចខ្លួនបាត់។
បច្ចុប្បន្ន វត្ថុតាងខាងលើ ត្រូវបានកម្លាំងជំនាញ ប្រគល់ជូនសង្កាត់រដ្ឋបាលព្រៃឈើក្រាំងស្គាររក្សាទុក ដើម្បីវាស់វែង ចាត់ការបន្តតាមនីតិវិធី។