បន្ទាយមានជ័យ៖ ថ្ងៃអង្គារ ទី០២ ខែកក្កដា ឆ្នាំ២០១៩ លោក ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ បានអញ្ជើញប្រគល់ផ្ទះជូនអុំស្រីចាស់ជរាពិការភ្នែកទាំងសងខាងឈ្មោះ ធន់ ឈៀងអូន អាយុ ៧០ឆ្នាំ រស់នៅជាមួយចៅ ស្ថិតនៅភូមិ ស្វាយជ្រុំ ឃុំគំរូ ស្រុកថ្មពួក ខេត្តបន្ទាយមានជ័យ ដែលលោកឧត្តមសេនីយ៍ត្រី បោន ប៊ិន បានសន្យាជួយសាងសង់ផ្ទះ ០១ខ្នង ជូនអុំស្រី កាលពីថ្ងៃទី០៤ ខែមីនា ឆ្នាំ២០១៩ តាមរយៈលោកវរសេនីយ៍ឯក ស ប៊ុនសឿង មេបញ្ជាការរងកងរាជអាវុធហត្ថខេត្ត បច្ចុប្បន្នបានធ្វើរួចរាល់ជាស្ថាពរ ដែលផ្ទះមានទំហំ ៥ម៉ែត្រ X ៦ម៉ែត្រ ធ្វើអំពីឈើ ប្រក់ស័ង្កសី ក្រាលបេតុង និងឧបត្ថម្ភមបន្ថែមជាសម្ភារៈប្រើប្រាស់ និងគ្រឿងឧបភោគ បរិភោគ មួយចំនួនបន្ថែមទៀត មានដូចជា ៖ គ្រែដេក ០១, មុង ០១, ភួយ ០១, មី ០៤កេស, ទឹកត្រី ០២យួរ, ទឹកស៊ីអ៊ីវ ០២យួរ, ចានដែកបោកខោអាវ ០១, ឆ្នាំងបាយ ០១, ឆ្នាំសម្លរ ០១, ត្រីខ ០១យួរ, ស្លាបព្រា ០១ឡូត៍, វែកបាយ ០១, វែកសម្លរ ០១, ផ្តិលទឹក ០១, ទឹកបរិសុទ្ធ ០១យួរ, កាំសៀវដាំទឹក ០១, ចានបាយ ១០, ចានសម្លរ ០៤, អង្ករ ១០០គីឡូត៍ក្រាម និងថវិកា ១.៥០០.០០០រៀល(មួយលានប្រាំសែនរៀល) ផងដែរ ។