បាត់ដំបង៖ យោងតាមបណ្តឹងរបស់ជនរងគ្រោះឈ្មោះ អេង វាសនា ហៅ ក្រាញ់ ភេទប្រុស អាយុ ២១ ឆ្នាំ មុខរបរកម្មករសំណង់ មានទីលំនៅភូមិរំចេក២ សង្កាត់រតនៈ ក្រុង/ខេត្តបាត់ដំបង ដោយជនសង្ស័យបានធ្វើសកម្មភាពសម្លុតគំរាមយកម៉ូតូ ០១ គ្រឿង ម៉ាកអ៊ិចសាយទ័រ (EXCITER) ពណ៌ខ្មៅ ស៊េរីឆ្នាំ២០១៩ (គ្មានស្លាកលេខ) ពីជនរងគ្រោះ រួចជិះគេចខ្លួនយកម៉ូតូមកលក់នៅខេត្តពោធិ៍សាត់ ដើម្បីដោះដូរគ្រឿងញៀន ។
នៅវេលាម៉ោង ១៤:៣០ នាទី ថ្ងៃទី៣០ ខែមិថុនា ឆ្នាំ២០១៩ នៅចំណុចមុខពេទ្យយាយជី ស្ថិតក្នុងភូមិរំចេក៣ សង្កាត់រតនៈ ក្រុង/ខេត្តបាត់ដំបង កម្លាំង មូលដ្ឋានកងរាជអាវុធហត្ថក្រុងបាត់ដំបង បានធ្វើការឃាត់ខ្លួនជនសង្ស័យចំនួន ០៣ នាក់:
១. ឈ្មោះ ធួន វឌ្ឍនា (ហៅតឿ) ភេទប្រុស អាយុ ២២ ឆ្នាំ មុខរបរជាងភ្លើង ។
២. ឈ្មោះ មុត សុផាន់ម៉ៃ (ហៅនិច) ភេទស្រី អាយុ ២០ឆ្នាំ មុខរបររត់តុ ។
៣. ឈ្មោះ រី ឈៀងម៉ៃ (ហៅចក់) ភេទប្រុស អាយុ ២៣ ឆ្នាំ មុខរបរកម្មករសំណង់ អ្នកទាំងបីនាក់មានទីលំនៅចំណុចកើតហេតុខាងលើ ។
រហូតដល់វេលាម៉ោង ០៩:០០ នាទី ថ្ងៃទី០១.០៧.២០១៩ កម្លាំងកងរាជអាវុធហត្ថខេត្តបាត់ដំបង សហការជាមួយកម្លាំងកងរាជអាវុធហត្ថខេត្តពោធិ៍សាត់ បានចុះធ្វើការអង្កេតស្រាវជ្រាវ ដល់ត្រង់ចំណុចផ្ទះសំណាក់ទន្លេមាស បន្ទប់លេខ ២០៦ ស្ថិតក្នុងភូមិផ្សារ ឃុំអន្លង់ត្នោត ស្រុកក្រគរ ខេត្តពោធិ៍សាត់ បន្តឃាត់ខ្លួនជនសង្ស័យបានចំនួន ០២ នាក់ផ្សេងទៀត:
១. ឈ្មោះ ឆន ចាន់ថន (ហៅប្រុស) ភេទប្រុស អាយុ ៣៥ឆ្នាំ មុខរបរមិនពិតប្រាកដ មានទីលំនៅភូមិថ្កោលធំ ឃុំអន្លង់ត្នោត ស្រុកក្រគរ ខេត្តពោធិ៍សាត់ ។
២. ឈ្មោះ ជា ស្រីលី ភេទស្រី អាយុ ១៧ឆ្នាំ មុខរបរមិនពិតប្រាកដ មានទីលំនៅភូមិចាកាមក្រោម ឃុំបឹងកន្ទួត ស្រុកក្រគរ ខេត្តពោធិ៍សាត់ ។
វត្ថុតាងដកហូត:
១. ម៉ូតូ ០១ គ្រឿង ម៉ាក អ៊ិចសាយទ័រ (EXCITER) ពណ៌ខ្មៅ ស៊េរីឆ្នាំ២០១៩ (គ្មានស្លាកលេខ) ។
២. គ្រឿងញៀនប្រភេទម្សៅក្រាមពណ៌សរឹងថ្លា (ទឹកកក) ចំនួន ០៤ កញ្ចប់ ។
៣. គ្រឿងញៀនប្រភេទយ៉ាម៉ាគ្រាប់ (WY) ពណ៌ផ្កាឈូក ចំនួន ០៨ គ្រាប់ ។
៤. ទូរស័ព្ទ ០៣ គ្រឿង ។
៥. ជញ្ជីង ០១ គ្រឿង ។
បច្ចុប្បន្នជនសង្ស័យ រួមនឹងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿង ដើម្បីបន្តតាមនីតិវិធី ។
