កំពង់ស្ពឺ៖ ថ្ងៃទី០៣ ខែកក្កដា ឆ្នាំ២០១៩ នៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ កម្លាំងមូលដ្ឋាន កងរាជអាវុធហត្ថស្រុកភ្នំស្រួច ដឹកនាំដោយលោកវរសេនីយ៍ទោ យស ឌីណា មេបញ្ជាការ មូលដ្ឋាន កងរាជអាវុធហត្ថស្រុក បានចុះបង្ក្រាបករណីជួញដូរ ឬប្រើប្រាស់នូវសារធាតុញៀន ដោយឃាត់ខ្លួនជនសង្ស័យចំនួន ០២នាក់មានឈ្មោះ ទូច តុលា ភេទប្រុស អាយុ ២៦ឆ្នាំ មុខរបរមិនពិតប្រាកដ មានទីលំនៅភូមិ៥ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ និងឈ្មោះ សោម ចំរើន ភេទប្រុស អាយុ ១៩ឆ្នាំ មុខរបរមិនពិតប្រាកដ មានទីលំនៅភូមិ៣ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
ក្នុងប្រតិបត្តិការនោះ កម្លាំងបានដកហូតវត្ថុតាងមាន៖ ថ្នាំញៀនម៉ាទឹកកក ចំនួន ០១កញ្ចប់, ទូរស័ព្ទ ០១គ្រឿង និងម៉ូតូ ០១គ្រឿង ។
បច្ចុប្បន្នជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្ត កំពុងបន្តតាមនីតិវិធី។