កំពង់ចាម៖ នៅវេលាម៉ោង ០៨ និង ៣០នាទី ថ្ងៃទី០៦ ខែកក្កដា ឆ្នាំ២០១៩ នៅចំណុចភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម កម្លាំងជំនាញកងរាជអាវុធហត្ថខេត្តកំពង់ចាម សហការជាមួយកម្លាំងមូលដ្ឋានកងរាជអាវុធហត្ថស្រុកបាធាយ ចុះបង្ក្រាបករណីគ្រឿងញៀន ដោយឃាត់ខ្លួនជនសង្ស័យបានចំនួន ០៣នាក់ រួមមាន៖
១. ឈ្មោះ ពៅ រតនៈ ភេទប្រុស អាយុ ២៥ឆ្នាំ មុខរបរជាងដែក រស់នៅភូមិផ្អាវ ឃុំផ្អាវ ស្រុកបាធាយ ខេត្តកំពង់ចាម
២. ឈ្មោះ ពៅ ភាជ ភេទប្រុស អាយុ ២៩ឆ្នាំ មុខរបររត់កង់បី រស់នៅភូមិដូនប៉ែន ឃុំទំនប់ ស្រុកបាធាយ ខេត្តកំពង់ចាម
៣. ឈ្មោះ ផន សូនីមល ភេទស្រី អាយុ ៣៥ឆ្នាំ មុខរបរកាត់ដេរ រស់នៅភូមិតាំងបឹង ឃុំផ្អាវ ស្រុកបាធាយ ខេត្តកំពង់ចាម រួមទាំងដកហូតបានវត្ថុតាងមាន៖ ម្សៅក្រាមពណ៌សចំនួន ៥៨កញ្ចប់, ទូរស័ព្ទដៃ ០១គ្រឿង ប្រាក់រៀល ១២០,០០០រៀល និងសម្ភារ:ប្រើប្រាស់គ្រឿងញៀនមួយចំនួនទៀត។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងជំនាញ កសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី។