ក្រចេះ: វេលាម៉ោង១២ និង៣០នាទី ថ្ងៃទី១៩ ខែឧសភា ឆ្នាំ២០១៦ កម្លាំងកងរាជអាវុធហត្ថខេត្តក្រចេះ បានធ្វើការបង្ក្រាប និងឃាត់ខ្លួនជនល្មើសចំនួន ០៣នាក់ ពាក់ព័ន្ធបទល្មើសព្រៃឈើ ដោយដឹកជញ្ជូនឈើដែលខុសច្បាប់តាមទូក ស្ថិតនៅចំណុច កំពង់ជ្រៃ ភូមិអន្លង់ព្រះគោ ឃុំវឌ្ឍនៈ ស្រុកសំបូរ ខេត្តក្រចេះ ។ ជនសង្ស័យទាំង០៣នាក់មានឈ្មោះ ៖
១. ឈ្មោះ ស៊ុល ហះ ភេទប្រុស អាយុ ៤៣ឆ្នាំ ជនជាតិឥស្លាម ។
២. ឈ្មោះ សុះ ព្រៃ ភេទប្រុស អាយុ ៤៤ឆ្នាំ ជនជាតិឥស្លាម ។
៣. ឈ្មោះ សាន់ ម៉ូត ភេទប្រុស +-អាយុ ៤៥ឆ្នាំ ជនជាតិឥស្លាម ។ មានទីលំនៅដូចគ្នា ភូមិជីនិក ឃុំ ជីនិក ស្រុកក្រូចឆ្មារ ខេត្តត្បូងឃ្មុំ ។
+វត្ថុតាងចាប់យករួមមាន :
០១. ទូកអេវ ០៣ គ្រឿង ភ្ជាប់ម៉ាស៊ីន ០៣ គ្រឿង
០២. ឈើអារ ប្រភេទ សុក្រម-កកោះ-ផ្តៀក សរុបប្រហែល ១៨ម៉ែត្រគូប
បច្ចុប្បន្ន ជនសង្ស័យ និងវត្ថុតាង ខាងលើ បានប្រគល់ឲទៅ សង្កាត់ រដ្ឋបាលព្រៃឈើជ្រោយបន្ទាយ ដើម្បីចាត់ការបន្តតាមច្បាប់ ។