បន្ទាយមានជ័យ៖ នៅភូមិតាយឹង ឃុំគំរូ ស្រុកថ្មពួក ខេត្តបន្ទាយមានជ័យ ព្រឹកថ្ងៃសៅរ៍ ទី១៣ ខែកក្កដា ឆ្នាំ២០១៩ លោក វរសេនីយ៍ឯក ថូ សេង មេបញ្ជាការរង តំណាងលោក ឧត្តមសេនីយ៍ ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ រួមជាមួយសហការី បាននាំយកសម្ភារៈ និងថវិកាចូលរួមរំលែកមរណ:ទុក្ខ ដល់ក្រុមគ្រួរសារសពប្រជាពលរដ្ឋឈ្មោះ ហៀន ហឿង ភេទស្រី អាយុ ៦៧ឆ្នាំ ដែលបានទទួលមរណៈភាពដោយជរាពាធ សម្ភារៈ និងថវិកាចូលបុណ្យសពរួមមាន៖ ថវិកា ៥០០.០០០រៀល អង្ករ ០២ ការ៉ុង, ឡូក្រាម, មី ០៤កេះ, ទឹកត្រី ០២យួរ, ទឹកស៊ីអ៊ីវ ០២យួរ និងទឹកបរិសុទ្ធ ២០យួរ។ ក្នុងនោះផងដែរលោកវរសេនីយ៍ ក៏បានពាំនាំនូវការផ្តាំផ្ញើសួរសុខទុក្ខពីសំណាក់លោក ឧត្តមសេនីយ៍ មេបញ្ជាការកងរាជអាវុធហត្ថខេត្ត និងបានបញ្ជាក់បន្ថែមថា លោកឧត្តមសេនីយ៍ត្រី មេបញ្ជាការ កងរាជអាវុធហត្ថខេត្តតែងតែយកចិត្តទុកដាក់ដល់បងប្អូនប្រជាពលរដ្ឋទូទាំងឃុំគំរូ ដែលជួបទុក្ខលំបាកផ្សេងៗ ។