បន្ទាយមានជ័យ៖ នៅថ្ងៃអាទិត្យ ថ្ងៃទី១៤ ខែកក្កដា ឆ្នាំ២០១៩ លោក វរសេនីយ៍ឯក ស ប៊ុនសឿង មេបញ្ជាការរង តំណាងលោក ឧត្តមសេនីយ៍ត្រី បោន ប៊ិន មេបញ្ជាការ កងរាជអាវុធហត្ថខេត្តបន្ទាយមានជ័យ រួមជាមួយសហការី បាននាំយកសម្ភារៈ និងថវិកាចូលរួមរំលែកមរណៈទុក្ខ ដល់ក្រុមគ្រួរសារសព ឈ្មោះ ណាន់ បិន ភេទស្រី អាយុ ៧០ឆ្នាំ ដែលបានទទួលមរណៈភាពដោយជរាពាធ និងត្រូវជាម្តាយរបស់លោក អនុសេនីយ៍ត្រី សង យាន នាយអាវុធហត្ថស្នាក់ការសន្តិសុខ៦៦៦ មូលដ្ឋានកងរាជអាវុធហត្ថស្រុកព្រះនេត្រព្រះ ស្ថិតនៅភូមិពង្រ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ ។ សម្ភារៈនិងថវិកាចូលបុណ្យសពរួមមាន ៖ ថវិកា ៦០០.០០០រៀល, អង្ករ ០២ ការ៉ុង, មី ០៤កេះ, ទឹកត្រី ០២យួរ, ទឹកស៊ីអ៊ីវ ០២យួរ និងទឹកបរិសុទ្ធ ២០យួរផងដែរ ។