កំពង់ចាម៖ នៅវេលាម៉ោង ០៨ និង០០នាទីថ្ងៃទី១៦ ខែកក្កដា ឆ្នាំ២០១៩ នៅចំណុចភូមិទី៧ សង្កាត់កំពង់ចាម ក្រុងកំពង់ចាម ខេត្តកំពង់ចាម កម្លាំងជំនាញ កងរាជអាវុធហត្ថខេត្តកំពង់ចាម សហការជាមួយកម្លាំងមូលដ្ឋានកងរាជអាវុធហត្ថក្រុងកំពង់ចាមចុះ បង្ក្រាបករណី ករណីរក្សាទុកដឹកជញ្ជូនឬជួញដូរដោយខុសច្បាប់នូវសារធាតុញៀន ដោយឃាត់ខ្លួនជនសង្ស័យចំនួន ០២នាក់
១.ឈ្មោះ សេត ស៊ុល ភេទប្រុស អាយុ ២៥ឆ្នាំជនជាតិអីស្លាម មុខរបរលក់ដូរ រស់នៅភូមិរការ ក្រោម សង្កាត់សំបូរមាស ក្រុងកំពង់ចាម ខេត្តកំពង់ចាម ។
២.ឈ្មោះ កៃ អាល់ហ្វិន ភេទប្រុស អាយុ ១៨ឆ្នាំជនជាតិអីស្លាម មុខរបរមិនពិតប្រាកដ រស់នៅភូមិរការក្រោម សង្កាត់សំបូរមាស ក្រុងកំពង់ចាម ខេត្តកំពង់ចាម ។
វត្ថុតាងចាប់យកមានម្សៅក្រាមពណ៌សចំនួន ០៤កញ្ចប់, ទូរសព្ទដៃចំនួន ០១គ្រឿង, ជញ្ជីងអេឡិចត្រូនិច្ច០១គ្រឿង, ថង់ប្លាស្ទិច និងសម្ភារៈប្រើប្រាស់គ្រឿងញៀនមួយចំនួន។
បច្ចុប្បន្នជនសង្ស័យ និងវត្ថុតាងជំនាញកំពុងចាត់ការតាមនីតិវិធី។
