ភ្នំពេញៈ ជនសង្ស័យ០៣នាក់ត្រូវបានកម្លាំងអាវុធហត្ថខណ្ឌជ្រោយចង្វារ និងសមត្ថកិច្ចចំរុះ បានឃាត់ខ្លួនជា បន្តបន្ទាប់កាលពីវេលាម៉ោងប្រមាណ ៥និង១៥នាទីល្ងាច ថ្ងៃទី១៩ ខែឧសភា ឆ្នាំ២០១៦ នៅត្រង់ចំណុចតាមផ្លូវជាតិលេខ៦ មុខវត្តគៀនឃ្លាំង ក្នុងភូមិគៀនឃ្លាំង សង្កាត់ជ្រោយចង្វា ខណ្ឌជ្រោយចង្វា ខណៈពេលជនសង្ស័យជិះម៉ូតូមកពីទិញគ្រឿងញៀន។ នៅពេលឃាត់ខ្លួនកម្លាំងដកហូតបានគ្រឿងញៀនប្រភេទម៉ាទឹកកកចំនួន២ កញ្ចប់ធំ។
ជនសង្ស័យ ដែលត្រូវឃាត់ខ្លួន
០១.ឈ្មោះកាន មឿន ភេទប្រុស អាយុ៣៥ឆ្នាំ មុខរបរនេសាទ ស្នាក់នៅផ្ទះគ្មានលេខ ផ្លូវជាតិលេខ៦ ភូមិបាកខែង សង្កាត់បាក់ខែង ខណ្ឌជ្រោយចង្វារ
០២.ឈ្មោះ ប៉ែន វាសនា ភេទប្រុស អាយុ២១ឆ្នាំ មុខរបរកម្មកររោងចក្រ ស្នាក់នៅផ្ទះគ្មានលេខ ភូមិតាំងក្រាំង ឃុំជីលា ស្រុកបាធាយ ខេត្តកំពង់ចាម
០៣.ឈ្មោះ សុខ ឡា ហៅក្រៅ អាខ្ទង ភេទ ប្រុស អាយុ២២ឆ្នាំ មុខរបរ មិនពិតប្រាកដ ស្នាក់នៅភូមិកងស្វាយ ឃុំស្វាយអំពៅ ស្រុកមុខកំពូលខេត្តកណ្តាល ។
តាមភ្នាក់ងារGRK News បានឲ្យដឹងថា នៅវេលាល្ងាចថ្ងៃទី១៩ ខែឧសភា ឆ្នាំ២០១៦ កម្លាំងចំរុះបានដាក់ប៉ុស្ដិ៍ត្រួតពិនិត្យ ការអនុវត្តច្បាប់ចរាចរ និងអាវុធជាតិផ្ទុះ ក៏បានប្រទះឃើញជនសង្ស័យ០២នាក់ ជិះម៉ូតូ មួយគ្រឿង ម៉ាកហុងដាសេ១២៥ សេរី២០១៣ ពណ៌ខ្មៅ ពាក់ស្លាកលេខ ភ្នំពេញ 1BQ-0921 ក៏មានការសង្ស័យហៅត្រូតពិនិត្យឲ្យឈប់ ហើយជនសង្ស័យបានរត់គេចខ្លួនឡើងលើជញ្ជាំងរបងផ្ទះគេ និងបានបោះចោលថ្នាំញៀន ០២កញ្ចប់ធំហើយត្រូវបានកម្លាំងចំរុះឃាត់ខ្លួន។
បន្ទាប់ពីឃាត់ខ្លួនជនសង្ស័យបានសារភាពថា គ្រឿងញៀនត្រូវបានគេឲ្យប្រាក់ចំនួន៣០ម៉ឺនរៀលទៅទិញនៅចំណុច រង្វង់មូលគួចកាណុង ក្នុងសង្កាត់ស្រះចក ខណ្ឌដូនពេញ ពេលដំណើរត្រឡប់ទៅផ្ទះវិញក៍ប្រទះនឹងកម្លាំងដាក់គោលដៅបាន ឃាត់ខ្លួនតែម្តង។ តាមមន្ត្រីនៅកន្លែងកើតហេតុបានឲ្យដឹងទៀតថា ដោយមានការស្រាវជ្រាវសមត្ថកិច្ចក៏ឈានទៅឃាត់ខ្លួនបានជនសង្ស័យម្នាក់ ទៀតដែលជាអ្នកឲ្យប្រាក់ទិញដើម្បីយកទៅចែកចាយគ្នាប្រើប្រាស់៕