បាត់ដំបង៖ នៅវេលាម៉ោង ២៣:០០ នាទី ថ្ងៃទី២០ ខែកក្កដា ឆ្នាំ២០១៩ កម្លាំងមូលដ្ឋាន កងរាជអាវុធហត្ថក្រុងបាត់ដំបង បានបង្ក្រាបករណីគ្រឿងញៀននៅចំណុចមុខអាហារដ្ឋាននាគមាស ស្ថិតក្នុងភូមិជ្រៃកោង សង្កាត់ស្លាកែត ក្រុង/ខេត្តបាត់ដំបង ដោយឃាត់ខ្លួនជនស្ស័យបានចំនួន ០២នាក់មានឈ្មោះ ឯល ម៉ាត់លី ភេទប្រុស អាយុ ៣២ឆ្នាំ មុខរបរមិនពិតប្រាកដ មានទីលំនៅដាំស្ពៃ សង្កាត់ស្លាកែត ក្រុង/ខេត្តបាត់ដំបង និងឈ្មោះ ស៊ុប រ៉ានី ភេទប្រុស អាយុ ២៧ឆ្នាំ មុខរបរមិនពិតប្រាកដ មានទីលំនៅភូមិដាំស្ពៃ សង្កាត់ស្លាកែត ក្រុង/ខេត្តបាត់ដំបង ។
វត្ថុតាងដកហូតមានសារធាតុញៀនប្រភេទម្សៅក្រាមពណ៌សរឹងថ្លា (ទឹកកក) ចំនួន ០១ កញ្ចប់, ម៉ូតូ ០១ គ្រឿង និងទូរស័ព្ទដៃចំនួន ០២ គ្រឿង ។
បច្ចុប្បន្នជនសង្ស័យ និងងវត្ថុតាង មន្ត្រីជំនាញកងរាជអាវុធហត្ថថកំពុងកសាងសំណុំរឿងដើម្បីបន្តនីតិវីធី ។