ក្រចេះ៖ ដោយមានការសម្របសម្រួលនីតិវិធីពីលោក កែវ សុជាតិ ព្រះរាជអាជ្ញា អមសាលាដំបូខេត្តក្រចេះ នៅវេលាម៉ោង ១៦ និង ៣០នាទី ថ្ងៃទី២៧ ខែកក្កដា ឆ្នាំ២០១៩ កម្លាំងមូលដ្ឋាន កងរាជអាវុធហត្ថក្រុងក្រចេះ ដឹកនាំដោយលោក វរសេនីយ៍ត្រី ផាត សុភក្រ្ត័វាសនា មេបញ្ជាការក្រុងក្រចេះ បានចុះបង្ក្រាបករណីគ្រឿងញៀន នៅចំណុចភូមិកន្ទ្រីង សង្កាត់អូរឬស្សី ក្រុងក្រចេះ ខេត្តក្រចេះ ដោយឃាត់ជនសង្ស័យម្នាក់ឈ្មោះ សុខ ណារ៉ែន ភេទប្រុស អាយុ ៣៩ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិកន្ទ្រីង សង្កាត់អូរឬស្សី ក្រុងក្រចេះ ខេត្តក្រចេះ និងដកហូតវត្ថុតាងម្សៅក្រាមពណ៌សថ្លាសង្ស័យជាសារធាតុញៀនចំនួន ០៦កញ្ចប់, ដែកកេះចំនួន ០៧, ទូរស័ព្ទចំនួន ០២គ្រឿង, សម្ភារៈសម្រាប់ជក់និង ថង់ខ្ចប់គ្រឿងញៀនមួយចំនួន និងជញ្ជីងសម្រាប់ថ្លឹងគ្រឿងញៀនចំនួន ០១ គ្រឿង។

បច្ចុប្បន្នជនសង្ស័យ និងវត្ថុតាងមន្ត្រីជំនាញកងរាជអាវុធហត្ថ កំពុងបន្តតាមនីតិវិធី។