ព្រះសីហនុ៖ នៅវេលាម៉ោង ១៨:៤០ នាទី ថ្ងៃទី២៩ ខែកក្តដា ឆ្នាំ២០១៩ កម្លាំងជំនាញ នៃការិយាល័យបទល្មើសគ្រឿងញៀន កងរាជអាវុធហត្ថ ខេត្តព្រះសីហនុ ដឹកនាំដោយលោក វរសេនីយ៍ត្រី ឡុង គឹមហួរ នាយការិយាល័យបទល្មើសគ្រឿងញៀន បានចុះបង្ក្រាបមុខសញ្ញាគ្រឿងញៀន និងឃាត់ខ្លួនជនសង្ស័យម្នាក់នៅចំណុចក្រុមទី១៤ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ ជនសង្ស័យមានឈ្មោះ ចិន សុធី ភេទប្រុស អាយុ ៣២ឆ្នាំ មុខរបរមិនប្រាកដ មានស្រុកកំណើតសង្កាត់ផ្សារកណ្តាល ខណ្ឌដូនពេញ ក្រុងភ្នំពេញ។ ទីលំនៅបច្ចុប្បន្នស្នាក់នៅភូមិ២ សង្កាត់លេខ៣ ក្រុង-ខេត្តព្រះសីហនុ។ ដកហូតវត្ថុតាងម្សៅក្រាមសថ្លាចំនួន ២៣កញ្ចប់, ទូរសព្ទ័ដៃចំនួន ០១គ្រឿង, ប្រាក់រៀលចំនួន ៥០.០០០រៀល និងដែកកេះ ចំនួន២។
បច្ចុប្បន្នជនសង្ស័យ និងវត្ថុតាងត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿងបញ្ជូនទៅតុលាការដើម្បីបន្តនីតិវិធី។