បាត់ដំបងៈ នៅវេលាម៉ោង១៤ និង២០នាទី ថ្ងៃទី២៣ ខែឧសភា ឆ្នាំ២០១៦ កម្លាំងកងរាជអាវុធហត្ថខេត្តបាត់ដំបង បានធ្វើការប្រតិបត្តិការបង្ក្រាប និងបានឃាត់ខ្លួនជនសង្ស័យចំនួន០៣នាក់ជាបក្ខពួក រស់នៅទីតាំងខុសគ្នា ពាក់ព័ន្ធករណីរក្សាទុកនូវសារធាតុញៀន។ ជនសង្ស័យទី០១ ចាប់បាននៅចំណុចភូមិអូរតាគី ឃុំអូរតាគី ស្រុក ថ្មគោល ខេត្តបាត់ដំបង។
ជនសង្ស័យមានឈ្មោះ អោម ឬទ្ឋី ហៅ ខាន
+វត្ថុតាងចាប់យករួមមាន
០១. ម្សៅក្រាមពណ៌សថ្លាចំនួន០១កញ្ចប់ ទម្ងន់ ០.៥៣ក្រាម។
០២. ម៉ូតូចំនួន០១គ្រឿង។
០៣. ទូរសព្ទ័ដៃចំនួន០១គ្រឿ។
បន្ទាប់ពីធ្វើការសាកសួររួចកម្លាំងកងអាវុធហត្ថខេត្តបាត់ដំបង ក៏បន្តសហការជាមួយព្រះរាជអាជ្ញារងអមសាលាដំបូងខេត្តបាត់ដំបង ធ្វើការឆែកឆេរលំនៅដ្ឋាន ០២ ជាកន្លែងបក្ខពួករបស់ជនសង្ស័យ៖
លំនៅដ្ឋានទី ០១៖ ស្ថិតក្នុងភូមិ រតនះ សង្កាត់ រតនះ ក្រុង បាត់ដំបង ខេត្ត បាត់ដំបង យើងបានឃើញឈ្មោះ រ៉េត សុភារ៉ា កំពុងប្រើប្រាស់គ្រឿងញៀននៅក្នុងផ្ទះ។
+វត្ថុតាងចាប់យករួមមាន
០១. បំពង់ទែម៉ូម៉ែត្រ ចំនួន ០១ ដែលមានកំទេចគ្រឿងញៀនក្នុងបំពង់។
០២. ដែកកេសសម្រាប់ប្រើប្រាស់គ្រឿងញៀន ចំនួន ០១។
០៣. ទុយោប្រើប្រាស់គ្រឿងញៀនចំនួន ០២។
លំនៅដ្ឋានទី ០២៖ ស្ថិតក្នុងភូមិ ស្វាយធំ ឃុំ អូរដំបង២ ស្រុក សង្កែ ខេត្ត បាត់ដំបង យើងបានធ្វើការឃាត់ខ្លួនឈ្មោះ ជុំ ខេមរិន្ទ កំពុងប្រើប្រាស់គ្រឿងញៀននៅក្នុងផ្ទះ។
+វត្ថុតាងចាប់យករួមមាន
០១. ម្សៅក្រាមពណ៌សថ្លាចំនួន០៤ កញ្ចប់ ដែលមានទម្ងន់ ៧.៧៩ ក្រាម។
០២. ជញ្ជីងសម្រាប់ថ្លឹងគ្រឿងញៀន ០១ គ្រឿង។
០៣. ដាវសាំម៉ារ៉ៃ ០១ ដើម។
ជនសង្ស័យនិងវត្ថុតាងត្រូវកម្លាំងអាវុធហត្ថខេត្ត កំពុងកសាងសំណុំរឿងបញ្ចូនទៅតុលាការ ចាត់ការបន្តតាមនីតិវិធី។
