បន្ទាយមានជ័យ៖ នៅវេលាម៉ោង ១៤ និង ២៨នាទី ថ្ងៃទី០៧ ខែសីហា ឆ្នាំ២០១៩ នៅចំណុចកាស៊ីណូឡាក់គី ស្ថិតនៅភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កម្លាំងមូលដ្ឋានកងរាជអាវុធហត្ថក្រុងប៉ោយប៉ែត ដឹកនាំដោយលោកវរសេវីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុង បានចុះប្រតិបត្តិការបង្រ្កាបករណីគ្រឿងញៀន ដោយឃាត់ខ្លួនជនសង្ស័យបានចំនួន ០៨នាក់ និងដកហូតវត្ថុតាងគ្រឿងញៀនមេតំហ្វេតាមីនទឹកកក ចំនួន ០៤កូនថង់, ទូរស័ព្ទដៃ ចំនួន ០៣គ្រឿង និងនាឡិកាដៃ ចំនួន ០១គ្រឿង។
បច្ចុប្បន្នកម្លាំងជំនាញបានកសាងសំណុំរឿងបញ្ជូន ទៅតុលាការដើម្បីចាត់ការទៅតាមនីតិវិធី ។
