កណ្តាល៖ ដោយមានការដឹកនាំចង្អុលបង្ហាញផ្ទាល់ពីលោក ឧត្តមសេនីយ៍ សំ តុលា មេបញ្ជាការខេត្ត និងមានការសម្របសម្រួលនីតិវិធីពីលោក ព្រះរាជអាជ្ញាអមសាលាដំបូងខេត្ត នៅថ្ងៃទី០៨ ខែសីហា ឆ្នាំ២០១៩ នៅចំណុចភូមិវត្តចាស់ ឃុំព្រែកដំបង ស្រុកមុខកំពូល ខេត្តកណ្តាលកម្លាំងមូលដ្ឋាន កងរាជអាវុធហត្ថស្រុកមុខកំពូល បានឃាត់ខ្លួនជនសង្ស័យម្នាក់ឈ្មោះ ប៉ូច គឹមហាក់ ភេទប្រុស អាយុ២៥ឆ្នាំ ជនជាតិខ្មែរ មុខរបរកសិករ មានទីលំនៅ ភូមិវត្តចាស់ ឃុំព្រែកដំបង ស្រុកមុខកំពូល ខេត្តកណ្តាល ពាក់ព័ន្ធករណីកាន់កាប់អាវុធដោយគ្មានច្បាប់អនុញ្ញាត និងដកហូតវត្ថុតាងអាវុធខ្លីចំនួន ០១ដើម ម៉ាក ZORAKI គ្មានលេខ(ឈូសលុបបាត់), បង់គ្រាប់ចំនួន០១, គ្រាប់ចំនួន០៤គ្រាប់ និងអាវធំ ០១ បច្ចុប្បន្នជនសង្ស័យនិងវត្ថុតាង បានកសាងសំណុំរឿងបញ្ជូនទៅសាលាដំបូងខេត្តតាមនីតិវិធី។