ឧត្តរមានជ័យ៖ នៅម៉ោង ១៧ និង ៤០នាទី ថ្ងៃទី១៦ ខែសីហា ឆ្នាំ២០១៩ កម្លាំងមូលដ្ឋាន កងរាជអាវុធហត្ថក្រុងសំរោង ដឹកនាំដោយលោក វរសនីយ៍ឯក លី ដារឹទ្ធ មេបញ្ជាការរង កងរាជអាវុធហត្ថខេត្តឧត្តរមានជ័យ បានធ្វើការឃាត់ខ្លួនជនសង្ស័យចំនួន ០៤នាក់ ពាក់ព័ន្ធករណីគ្រឿងញៀន នៅចំណុចវីងភូមិពុរ សង្កាត់សំរោង ក្រុងសំរោង ខេត្តឧត្តរមានជ័យ ជនសង្ស័យរួមមានឈ្មោះ ឡុង ដារ៉ា (ហៅតឹង) ភេទប្រុស អាយុ ១៩ឆ្នាំ មុខរបរមិនពិតប្រាកដ រស់នៅភូមិអូរឬស្សី សង្កាត់សំរោង ក្រុងសំរោង ខេត្ត ឧ ជ, ឈ្មោះ ម៉េង ចំរើន ភេទប្រុស អាយុ ២៨ឆ្នាំ មុខរបរលាងឡាន រស់នៅភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ, ឈ្មោះ ជូន រ៉ាដូ ភេទប្រុស អាយុ ២៨ឆ្នាំ មុខរបរកម្មករសំណង់ រស់នៅភូមិកណ្តែក សង្កាត់/ក្រុងសំរោង ខេត្តឧត្តរមានជ័យ និងដកហូតវត្ថុតាងម៉ូតូចំនួន ០១គ្រឿង, ទូរស័ព្ទដៃ០៣គ្រឿង, ថ្នាំញៀនម៉ាទឹកកកចំនួន ១៥កញ្ចប់និង យ៉ាម៉ា គ្រាប់ពណ៌ផ្កាឈូក ចំនួន០៦គ្រាប់ ។
បច្ចុប្បន្នមន្ត្រីជំនាញបានកសាងសំណុំរឿងបញ្ជូនទៅសាលាដំបូងខេត្តដើម្បីបន្តតាមនីតិវិធី ។