កំពង់ចាម៖ នៅវេលាម៉ោង១០ និង ០០នាទីថ្ងៃទី២២ ខែសីហា ឆ្នាំ២០១៩ នៅចំណុចភូមិផ្អាវឃុំផ្អាវ ស្រុកបាធាយ ខេត្តកំពង់ចាម កំលាំងជំនាញកងរាជអាវុធហត្ថ ខេត្តកំពង់ចាម សហការជាមួយកំលាំងមូលដ្ឋានកងរាជអាវុធហត្ថស្រុកបាធាយ បង្ក្រាបករណីគ្រឿងញៀនដោយបានឃាត់ខ្លួនជនសង្ស័យបានចំនួន ០២នាក់ ឈ្មោះ ជ័យ សុវណ្ណាល់ ភេទប្រុស អាយុ ២៧ឆ្នាំ រស់នៅភូមិផ្អាវ ឃុំផ្អាវស្រុកបាធាយ ខេត្តកំពង់ចាម និងឈ្មោះ សឿន ពិសិដ្ឋ (ហៅប៉ង់) ភេទប្រុស អាយុ ២៤ឆ្នាំ រស់នៅភូមិកោករវៀងឃុំគោករវៀង ស្រុកជើងព្រៃខេត្តកំពង់ចាម កម្លាំងបានដកហូតវត្ថុតាងម្សៅក្រាមពណ៌សចំនួន ០១កញ្ចប់ ទូរស័ព្ទដៃចំនួន ០២គ្រឿង និងប្រាក់ចំនួន ១០ម៉ឺនរៀល។ បច្ចុប្បន្នជនសង្ស័យ និងវត្ថុតាងជំនាញកំពុងចាត់ការតាមនីតិវិធី។