កំពត៖ ក្រោយពីទទួលបានបទបញ្ជាពីលោក ឧត្តមសេនីយ៍ត្រី កែវ សុផល មេបញ្ជាការ កងរាជអាវុធហត្ថខេត្តកំពត នៅវេលាម៉ោង ១១:២៥ នាទីថ្ងៃទី២៥ ខែសីហា ឆ្នាំ ២០១៩ កម្លាំងអាវុធហត្ថដឹកនាំដោយលោក វរសនីយ៍ទោ ហែម ចាន់ដារ៉ា មេបញ្ជាការង កងរាជអាវុធហត្ថខេត្ត បានចុះបង្ក្រាបករណីរក្សាទុក ឬជួញដូរដោយខុសច្បាប់នូវសារធាតុញៀន នៅចំណុចភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត ដោយបានឃាត់ខ្លួនជនសង្ស័យចំនួន ០២នាក់ឈ្មោះ ហុង ស៊ីថា ភេទប្រុស អាយុ ៣១ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិ ឃុំ ខាងលើ និងឈ្មោះ សំបូរ យុទ្ធនៈ ភេទប្រុស អាយុ ២៧ឆ្នាំ រស់នៅភូមិត្រពាំងធំ ឃុំត្រពាំងធំ ស្រុកទឹកឈូ ខេត្តកំពត ព្រមទាំងបានដកហូតវត្ថុតាងថ្នាំញៀនម៉ាទឹកកកចំនួន ០៥កញ្ចប់ធំ និង ១៣កញ្ចប់តូច (ទម្ងន់៥២៩.៣៩ក្រាម ថ្លឹងទាំងសំបក), ជញ្ជីងថ្លឹងគ្រឿងញៀនចំនួន ០១គ្រឿង ទូរស័ព្ទចំនួន ០១គ្រឿង និងម៉ូតូចំនួន ០១គ្រឿង បច្ចុប្បន្នជនសង្ស័យ និងវត្ថុតាង មន្ត្រីជំនាញបានកសាងសំណុំរឿងបញ្ជូនទៅតុលាការដើម្បីបន្តនីតិវិធី។