ភ្នំពេញៈ នៅវេលាម៉ោង១៧ និង៣០នាទី ថ្ងៃទី២៤ ខែឧសភា ឆ្នាំ២០១៦ កម្លាំងអាវុធហត្ថខណ្ឌច្បារអំពៅ បានធ្វើការឃាត់ខ្លួនជនសង្ស័យម្នាក់ ក្នុងចំណោមបក្ខពួក០៣នាក់ ពាក់ព័ន្ធករណីហិង្សាដោយចេតនា នៅចំនុច ក្បែរតារាងបាល់ទាត់សាលាវិទ្យាល័យច្បារអំពៅ ស្ថិតនៅ ភូមិបឹងឈូក សង្កាត់និរោធ ខណ្ឌច្បារអំពៅ។ ជនបង្កមានឈ្មោះ ៖
ឌី សុភារម្យ ភេទ ប្រុស អាយុ ២១ឆ្នាំ មុខរបរ រត់តុការ មានទីលំនៅ ភូមិបឹងឈូក សង្កាត់និរោធ ខណ្ឌច្បារអំពៅ។
មុនពេលកើតហេតុនៅវេលាម៉ោងង១៧ និង១០នាទី ជនរងគ្រោះរួមជាមួយប្អូនប្រុស បានចេញពីធ្វើការនៅចំនុចការដ្ឋានបុរីប៉េងហួត ហើយក៏បង្ហួសទៅរកលាងម៉ូតូនៅក្រោយវត្ត ប្រជុំវង្ស ដោយជិះកាត់តាមផ្លូវក្នុងសាលាវិទ្យាល័យច្បារអំពៅក្បែរតារាងបាល់ទាត់ ពេលជិះទៅដល់ក្រោយវត្តប្រជុំវង្ស កន្លែងលាងម៉ូតូបានបិតបាត់ទៅ ឃើញដូច្នេះ ជនរងគ្រោះទាំងពីរនាក់ក៏ជិះម៉ូតូត្រលប់មកវិញ ដោយកាត់តាមផ្លូវដដែល។ពេលមកដល់ចំនុចខាងលើជនរងគ្រោះបានឃើញក្រុមជនសង្ស័យកំពុងអង្គុយលេងនៅក្បែរតារាងបាល់ទាត់នោះ ឃើញដូចនេះជនរងគ្រោះមិនបានចាប់អារម្មណ៍អ្វីដែរគឺ បន្តដំណើរទៅមុខទៀត ជិះមិនទាន់បាន៣ម៉ែ្រត ផងស្រាប់តែក្រុមជនសង្ស័យនាំគ្នា មកវាយលើជនរងគ្រោះបណ្តាលឲ្យជនរងគ្រោះរងរបួសធ្ងន់ នឹង ស្រាល ហើយផ្តួលម៉ូតូចោលរត់ទៅក្នុងការដ្ឋាន ដែលខ្លួនរស់នៅ ប្រាប់ទៅបងប្អូនអោយជួយខ្លួន។ពេលឮដូចនេះបងប្អូនជនរងគ្រោះប្រហែលជិត១០នាក់ បានលើកគ្នាមកកន្លែងកើតហេតុ ដើម្បីយកម៉ូតូទៅវិញ ពេលឃើញដូចនេះក្រុមជនសង្ស័យបាននាំគ្នាយកដាវសាំម៉ូរៃដេញកាប់ទៅលើក្រុមជនរងគ្រោះធ្វើឲ្យក្រុមជនរងគ្រោះភ័យរត់ចូលការដ្ឋានវិញអស់ទៅ។ពេលឮហេតុការណ៍ដូចនេះកំលាំង អាវុធហត្ថយើងបានចុះទៅដល់កន្លែងកើតហេតុហើយធ្វើការឃាត់ខ្លួនបានជនសង្ស័យចំនួន០១នាក់ ព្រមទាំងដកហូតបានដាវសាំម៉ូរៃចំនួន០១ដើមផងដែរ។
ជនសង្ស័យនិងវត្ថុតាងត្រូវកម្លាំងអាវុធហត្ថខណ្ឌច្បារអំពៅ កំពុងកសាងសុំណុំរឿងតាមនីតិវិធីបញ្ជូនទៅអាវុធហត្ថរាជធានី ដើម្បីបន្តនីតិវិធី ។