ក្រចេះ៖ នៅវេលាម៉ោង ១៤:១០ នាទីថ្ងៃទី២៥ ខែសីហា ឆ្នាំ ២០១៩ កម្លាំងអាវុធហត្ថខេត្តក្រចេះដឹកនាំដោយលោក វរសនីយ៍ផាត សុភក្រ្ត័វាសនា មេបញ្ជាការ មូលដ្ឋានកងរាជអាវុធហត្ថក្រុងក្រចេះ បានចុះបង្ក្រាបករណីរក្សាទុក ឬជួញដូរដោយខុសច្បាប់នូវសារធាតុញៀន នៅចំណុច វាលវង់ភូមិសែ្រស្តៅ សង្កាត់អូរឬស្សី ក្រុងក្រចេះ ខេត្តក្រចេះ ដោយបានឃាត់ខ្លួនជនសង្ស័យម្នាក់ឈ្មោះ ឈ្មោះ កឿន វ៉ាន់នី ភេទប្រុស អាយុ ៣៥ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិអូរឬស្សី១ សង្កាត់អូរឬស្សី ក្រុងក្រចេះ ខេត្តក្រចេះ ព្រមទាំងបានដកហូតវត្ថុតាងថ្នាំញៀនម៉ាទឹកកកចំនួន ០៣កញ្ចប់, ទូរស័ព្ទចំនួន ០១គ្រឿង និងម៉ូតូចំនួន ០១គ្រឿង បច្ចុប្បន្នជនសង្ស័យ និងវត្ថុតាង មន្ត្រីជំនាញបានកសាងសំណុំរឿងបញ្ជូនទៅតុលាការដើម្បីបន្តនីតិវិធី។