កំពង់ឆ្នាំង៖ នៅមជ្ឈមណ្ឌលហ្វឹកហ្វឺនភ្នំជំរាយ កងរាជអាវុធហត្ថលើផ្ទៃប្រទេស នារសៀលថ្ងៃពុធ ទី២៨ ខែសីហា ឆ្នា២០១៩ លោក ឧត្តមសេនីយ៍ទោ ស សំបូរធន នាយសេនាធិការ កងរាជអាវុធហត្ថលើផ្ទៃប្រទេស បានអញ្ជើញធ្វើបទបង្ហាញស្តីពីតួនាទី ភារកិច្ច រចនាសម្ព័ន្ធទូទៅរបស់កងអន្តរាគមន៍កងរាជអាវុធហត្ថដល់ ក្រុមនាយទាហាន សេនាធិការ នាយកដ្ឋានកិច្ចការអាស៊ី នៃការិយាល័យសហប្រតិបត្តិការយោធាអន្តរជាតិ នៃគណកម្មការយោធាមជ្ឈឹម កងទ័ពរំដោះប្រជាជនចិន។ ពិធីនេះមានការអញ្ចើញចូលរួមពីសំណាក់លោក ឧត្តមសេនីយ៍ឯក ភួង ស៊ីភិន មេបញ្ជាការរង កងរាជអាវុធហត្ថលើផ្ទៃប្រទេស, នាយរងសេនាធិការ, នាយក-នាយករងមជ្ឈមណ្ឌល និងនាយទាហាន ដែលមានការពាក់ព័ន្ធជាច្រើនរូបទៀត។