ភ្នំពេញៈ នៅវេលាម៉ោង២១និង០០នាទី ថ្ងៃទី២៥ ខែឧសភា ឆ្នាំ២០១៦ នៅចំណុចមុខស្ថានីយសាំងតូតាល់ ផ្លូវ២៧១ សង្កាត់ទួលទំពូង២ ខណ្ឌចំកាមន កម្លាំងល្បាតអាវុធហត្ថខណ្ឌចំការមន បានឃាត់ខ្លួនជនសង្ស័យម្នាក់ពាក់ពន្ឋ័ករណី លួចម៉ូតូ កាលពីវេលាម៉ោង២០និង៣០នាទី ថ្ងៃទី២៥ ខែឧសភា ឆ្នាំ២០១៦ ចំណុចមុខផ្ទះលេខ៣១០ ផ្លូវលំ ភូមិភ្នៀត៧ សង្កាត់ស្ទឹងមានជ័យ ខណ្ឌមានជ័យ ភ្នំពេញ ។
ជនសង្ស័យមានឈ្មោះ គួន ឡេង ភេទប្រុស ៣៥ឆ្នាំ មុខរបរ រត់ម៉ូតូឌុប ស្នាក់នៅផ្ទះជួលគ្មានលេខ ភូមិច្រាំងបាក់ សង្កាត់ច្បាអំពៅ២ ខណ្ឌច្បាអំពៅ។
មុនពេលកើតហេតុជនរងគ្រោះបានជិះម៉ូតូត្រឡប់ពីកន្លែងលក់សាំងមុខវត្តស្ទឹងមានជ័យ មកផ្ទះ រួចក៏ទុកម៉ូតូរួមទាំងសោរនៅមុខផ្ទះបន្ទាប់មកក៏ដើរចូលក្នុងបំរុងហូបបាយ ស្រាប់តែ ប្អូនប្រុសប្រាប់ថាមានបុរសម្នាក់ជិះម៉ូតូរបស់ខ្លួនចេញបាត់ហើយ ទើបជនរងគ្រោះ និងប្អូនប្រុសជិះម៉ូតូតាមរកក៏ឃើញនៅកន្លែងកើតហេតុនិងស្រែកថា ចោរចោរ បន្ទាប់មកប្រជាពលរដ្ឋនៅក្បែរនោះនាំគ្នាចាប់ជនសង្ស័យបាននិងនាំគ្នាវាយបានបន្តិចទើប កម្លាំងអាវុធហត្ថខណ្ឌទៅដល់រួចក៏ចាប់ជនសង្ស័យមកមូលដ្ឋានអាវុធហត្ថខណ្ឌតែម្តង ។
បច្ចុប្បន្នជនសង្ស័យនិងវត្ថុតាងឃាត់នៅអាវុធហត្ថខណ្ឌចំការមន និងកំពុងកសាងសំណុំរឿង បញ្ចូនទៅអាវុធហត្ថរាជធានីដើម្បីចាត់ការបន្តតាមនីតិវិធី។