បន្ទាយមានជ័យ៖ នៅថ្ងៃអង្គារ ទី០៣ ខែកញ្ញា ឆ្នាំ២០១៩ លោក វរសេនីយ៍ទោ ហេង សំរឹទី្ធ នាយរងសេនាធិការ កងរាជអាវុធហត្ថខេត្តបន្ទាយមានជ័យ តំណាងលោក ឧត្តមសេនីយ៍ ត្រី បោន ប៊ិន មេបញ្ជាការ កងរាជអាវុធហត្ថខេត្ត រួមជាមួយសហការី បាននាំយកសម្ភារៈ និងថវិកាចូលរួមរំលែកមរណៈទុក្ខ ដល់ក្រុមគ្រួរសារសពប្រជាពលរដ្ឋក្នុងមូលដ្ឋានឈ្មោះ អ៊ុត យន់ ភេទស្រី អាយុ ៨៨ឆ្នាំ ដែលបានទទួលមរណៈភាពដោយជរាពាធ ស្ថិតនៅភូមិផ្សារថ្មី ឃុំគំរូ ស្រុកថ្មពួក ខេត្តបន្ទាយមានជ័យ ។ សម្ភារ: និងថវិកាចូលបុណ្យសពរួមមាន ៖ ថវិកា ៥០០.០០០រៀល អង្ករ ០២ ការ៉ុង ស្មើ ១០០គីឡូក្រាម មី ០៤កេះ ទឹកត្រី ០២យួរ ទឹកស៊ីអ៊ីវ ០២យួរ និងទឹកបរិសុទ្ធ ២០យួរ ក្នុងនោះផងដែរលោកវរសេនីយ៍ទោ ហេង សំរឹទី្ធ បានពាំនាំពាក្យផ្តាំផ្ញើ និងសួរសុខទុក្ខពីសំណាក់លោក ឧត្តមសេនីយ៍ត្រី មេបញ្ជាការកងរាជអាវុធហត្ថខេត្ត និងបានបញ្ជាក់បន្ថែមថា លោកឧត្តមសេនីយ៍ត្រី មេបញ្ជាការ កងរាជអាវុធហត្ថខេត្ត តែងតែយកចិត្តទុកដាក់ដល់បងប្អូនប្រជាពលរដ្ឋទូទាំងឃុំគំរូ ដែលជួបទុក្ខលំបាកផ្សេងៗជាយថាហេតុ ។